Contemporary Eurasia VI (2) Contemporary Eurasia VI (2) | Page 44
ՎԱՀԱԲԱԿԱՆՈՒԹՅԱՆ ԱՐՏԱՀԱՆՄԱՆ ՍԱՈՒԴԱԿԱՆ ՀԱՅԵՑԱԿԱՐԳԸ ԵՎ …
րանի ղեկավարությունը կադրային արմատական փոփոխու-
թյուններ իրականացրեց։ Արդեն 1990-ականների սկզբներին
համալսարանի դասախոսական անձնակազմի 385-ից 336–ը
սաուդցիներ էին։ 1990-ականների վերջին համամասնությունը
շեշտակի փոխվեց հօգուտ սաուդցիների. 369-ից 360-ը տե-
ղացիներ էին։ Այս իրողությունը կապված էր թագավորության
տնտեսությունը «սաուդականացնելու», այդ թվում՝ երիտա-
սարդ և կրթված սաուդցիներին, ովքեր ՄԻՀ-ի, Էռ-Ռիյադի,
Ջիդդայի ու Մեքքայի համալսարանների շրջանավարտներ
էին, առաջ քաշելու և աշխատանքի տեղավորելու պետական
քաղաքականության հետ։ Բացի այդ, ՄԻՀ-ում կադրային փո-
փոխությունները նաև քաղաքական շարժառիթներ ունեին և
նպատակ էին հետապնդում համալսարանների աշխատա-
կազմերը զերծ պահելու արտաքին միջամտությունից, մասնա-
վորապես «Մուսուլման եղբայրների» անդամներից ու համա-
խոհներից, ինչպես նաև քաղաքականապես ակտիվ տար-
րերից 25 ։
Վահաբական գաղափարախոսության տարածման և ներ-
դրման համար Սաուդյան Արաբիան կարողացավ ստեղծել մի-
ջազգային վահաբական միսիոներների, մասնավորապես
աստվածաբան-ալիմների, կրոնական քարոզիչների ու սպա-
սավորների, ինչպես նաև գիտնականների ռեսուրսը, որի մի
մասը փաստորեն ուսում ստացավ Մադինայի իսլամական հա-
մալսարանում։ Հենց ՄԻՀ-ի շրջանավարտներից շատերն աշ-
խարհի տարբեր հատվածներում վահաբական դաուվայի
շրջանակներում ձեռնամուխ եղան վահաբական միսիոներու-
թյան իրականացմանը։
Վահաբականության արտահանումն արտաքին աշ-
խարհ. քարոզչության ռազմավարությունն ու թիրախները
Հարկ է նշել, որ Սաուդյան Արաբիայի Թագավորությունը
տասնամյակներ շարունակ քարոզչություն է իրականացրել
նաև իր երկրում գտնվող աշխատանքային ներգաղթյալների և
ուխտագնացների շրջանում։ 1970-ականներից Սաուդյան Արա-
25
Farquhar М., նշվ. աշխ., էջ 160։
44