Contemporary Eurasia VI (2) Contemporary Eurasia VI (2) | Page 19
ԳՈՌ ԳԵՎՈՐԳՅԱՆ
հասարակական երկփեղկվածությունը և քաղաքական դաշտի
բյուրեղացումը կանխորոշեցին պետության կառավարման հա-
մակարգի որակական նոր փոփոխությունները, որոնք անմի-
ջապես արտացոլվեցին 2011-2012 թթ. կայացած խորհրդարա-
նական ընտրություններում 8 :
Խորհրդարանական ընտրությունների արդյունքներն ամ-
փոփելուց առաջ հարկավոր է անդրադառնալ եգիպտական
Խորհրդարանի կառուցվածքին: Այսպես, եգիպտական Խոր-
հըրդարանը բաղկացած էր երկու պալատից՝ ստորին՝ Ազգային
ժողովը և վերին՝ Շուրայի խորհուրդը 9 : Խորհրդարանի երկու
պալատներից միայն ստորինն էր, որ ուներ օրենսդրական լիա-
զորություններ, և այդ առումով այս կամ այն ուժի մեծամաս-
նական ներկայությունը վերջինիս համար ապահովում է բա-
վական մեծ ազդեցություն: Եգիպտոսի Խորհրդարանի ստորին
պալատը ներկայացնում էր 508 պատգամավոր, որոնք ընտըր-
վում էին 5 տարի ժամկետով: Ընտրված 508-ից 498-ը ընտըր-
վում էր մեծամասնական համակարգով, և ևս 10-ը նշանակվում
էր պետության նախագահի կողմից: Ընդ որում 508 պատգա-
մավորից 332-ը ընտրվում էր կուսակցական ցուցակներով, իսկ
166-ը՝ որպես անկախ թեկնածու 10 :
Ինչ վերաբերում է Խորհրդարանի վերին պալատին՝ Շու-
րայի խորհրդին, ապա այն ուներ միայն սահմանադրական
փոփոխությունները քննարկելու, միջազգային համաձայնագրե-
րի հետ կապված կարծիք հայտնելու հիմնական առաքելու-
8
9
10
Կարևոր է նշել, որ Մուբարաքի պաշտոնանկությունից հետո երկրի ղեկավար-
ման լծակները վերցրած Զինված ուժերի բարձրագույն խորհուրդը, նպատակ
ունենալով հստակեցնել պետության կառավարման մոդելը, ինչպես նաև որոշ
առումով տեղի տալով «եգիպտական փողոցի» ճնշումներին, նախաձեռնեց
խորհրդարանական, իսկ հետո նաև նախագահական ընտրությունների կազ-
մակերպման և կայացման գործընթացը:
Համաձայն 2014 թ. կայացած սահմանադրական հանրաքվեի՝ եգիպտական
խորհրդարանն ունի ընդամենը մեկ պալատ, որը բաղկացած է 596 պատգա-
մավորից, որոնք ընտրվում են 5 տարի ժամկետով: 596 պատգամավորից
120-ը ընտրվում է համաձայն կուսակցական ցուցակների, 448-ն անկախ
թեկնածուներ են, և ևս 28-ին նշանակում է պետության նախագահը:
Сапронова М.А., Египет: 90 лет конституционных трансформаций (1923-
2013гг.), М., 2014, с. 85.
19