Contemporary Eurasia, Economic and Political Issues, volume V (1) Contemporary Eurasia volume V (1) | Page 80
ՏՆՏԵՍԱԿԱՆ ԵՎ ՔԱՂԱՔԱԿԱՆ ԽՆԴԻՐՆԵՐ
պահպանվում էր 48 ժամ, ինչը պետք է բացառեր կրկնակի
քվեարկությունը 33 :
Ընտրարշավը Եգիպտոսում տևեց երեք շաբաթ և պետու-
թյան համար դարձավ վերջին տասնամյակների ամենավառ
իրադարձություններից մեկը: Նախագահի թեկնածուները
ծախսեցին 100-ավոր մլն դոլարներ իրենց գովազդի և քա-
րոզարշավի վրա: Երկրի պատմության մեջ առաջին անգամ
առավել հայտնի թեկնածուների մասնակցությամբ կայացան
հեռուստաբանավեճեր:
Եգիպտոսում նախագահական ընտրություններին մաս-
նակցելու համար հայտ էին ներկայացրել ընդամենը 23 թեկ-
նածու, սակայն Բարձրագույն ընտրական հանձնաժողովը
թույլատրեց միայն 13-ին: Համաձայն հասարակական հարց-
ման՝ 13 թեկնածուներից առավել մեծ հեղինակություն էին
վայելում 5-ը, որոնցից յուրաքանչյուրն ըստ էության կարող էր
2-րդ փուլ անցնել:
Օրինակ, առաջին տեղը զբաղեցնում էր ԱՊԼ-ի նախկին
գլխավոր քարտուղար 75-ամյա Ամր Մուսան, երկրորդ տեղում
էր Եգիպտոսի նախկին վարչապետ Ահմեդ Շաֆիքը, երրորդ
տեղում՝ անկախ թեկնածու իսլամիստ Աբդ Ալ-Մոնեյմ Աբու-Ալ
Ֆութուհը, չորրորդ տեղում՝ «Մուսուլման եղբայրների» ներկա-
յացուցիչ Մուհամմադ Մուրսին և վերջապես հինգերորդ տե-
ղում՝ սոցիալիստ Համդին Սաբահին:
Կարծում ենք՝ չափազանց հետաքրքրական կլինի համա-
ռոտ ներկայացնել հավանական 5 թեկնածուների տեղն ու դե-
րը եգիպտական հասարակության մեջ և քարոզարշավում ար-
ված հիմնական շեշտադրումները: Այսպես, ԱՊԼ-ի նախկին
գլխավոր քարտուղար, ինչպես նաև Եգիպտոսի Արտաքին
գործերի նախարար 75-ամյա Ամր Մուսան օգտագործում էր
այն կռվանը, որ ինքը Մուբարաքի իշխանության տարիներին
միշտ ընդդիմադիր է եղել և ամենակարևորը, որ երբեք չի եղել
իշխող կուսակցության անդամ: Ամր Մուսան նաև Իսրայելին
պարբերաբար դատապարտող գործչի համբավ ուներ: Նրան
հիմնականում սատարում էին կայունության և պետության
ժառանգորդության կողմնակիցները, քանի որ վերջինս պնդում
է, որ օգտագործելով իր հեղինակությունը միջազգային ասպա-
րեզում՝ կկարողանա վերականգնել Եգիպտոսի խարխլված
33
Նույն տեղում:
80