Contemporary Eurasia, Economic and Political Issues, volume V (1) Contemporary Eurasia volume V (1) | Page 26
ՏՆՏԵՍԱԿԱՆ ԵՎ ՔԱՂԱՔԱԿԱՆ ԽՆԴԻՐՆԵՐ
տարբեր տեսակի քիմիական նյութեր և տարրեր, գորգ և
այլն 11 : Ընդհանուր առմամբ Իրանից Հայաստան ներմուծվում է
ավելի քան 600 անուն ապրանք՝ Հայաստանից Իրան արտա-
հանվող շուրջ 100 անուն ապրանքի դիմաց 12 ։
Որոշ տվյալներով Հայաստանում գրանցված են իրանա-
կան մոտ 2000 ձեռնարկություններ։ Իսկ 2016 թ. դրությամբ
Իրանում չի գրանցվել ոչ մի հայկական ընկերություն: Իրանի
նման քաղաքականությունը կարող է կապված լինել նրա
նկատմամբ իրականացված պատժամիջոցների և սեփական
արտադրողին պաշտպանելու հետ: Իրանի և միջազգային
վեցնյակի միջև 2015 թ. ձեռք բերված միջուկային համաձայ-
նությունից հետո Իրանի նկատմամբ մի շարք պատժամիջոց-
ներ հանվեցին, որը հնարավորությունների լայն դաշտ է բա-
ցում իրանական գործարար աշխարհի առջև: Իրանական
կողմը կարող է վերանայել ՀՀ-ի նկատմամբ իր տնտ եսական
քաղաքականությունը, որը մեծապես կնպաստի հայ-իրանա-
կան առևտրային համագործակցությանը: Հայաստանն առա-
վել արդյունավետ կարող է համագործակցել Իրանի հյուսի-
սային նահանգների հետ: Այսօր Ատրպատականը` Իրանի հյու-
սիսային նահանգը, որին սահմանակցում է Հայաստանը, վե-
րածվում է խոշոր բիզնես-նահանգի: Մոտ 3 միլիոնանոց Թավ-
րիզն ավելի մեծ առևտրաշրջանառություն ունի, քան Հայաս-
տանը, նրա բյուջեն մի քանի անգամ ավելի մեծ է, քան Հա-
յաստանի Հանրապետության բյուջեն: Առկա տեղեկատվության
համաձայն՝ Թավրիզի բյուջեն կազմում է Թեհրանի բյուջեի մո-
տավորապես 30%-ը: Ակնհայտ է, որ Ատրպատական նահանգի
ղեկավարությունը, հաշվի առնելով նրանց թյուրքախոս լինելու
հանգամանքը, պետք է որ ցանկություն ունենա մեծացնելու
առևտրաշրջանառությունը սահմանակից երկրի հետ:
Այսօր հայ-իրանական տնտեսական համագործակցու-
թյանը կարող են նպաստել համատեղ ծրագրերի իրականա-
ցումը, օրինակ՝ հնարավոր է Իրանից կիսավարտ ապրանքա-
տեսակները բերել Հայաստան, ամբողջական մշակման են-
11 ՀՀ մաքսային ծառայություն, ՀՀ արտաքին առևտուրն երկիր-ապրանք
կտրվածքով (2010-2011 թթ.), http://www.customs.am/Content.aspx?itn=
csCIcsa2011.
12 Ինչ ենք վաճառում Իրանին և ինչ ենք այնտեղից ներմուծում. ՀՀ-Իրան
առևտրի իրական պատկերը (ինֆոգրաֆիկա, http://b4b.am/news/
25.01.2016 թ.:
26