Contemporary Eurasia, Economic and Political Issues, volume V (1) Contemporary Eurasia volume V (1) | Page 23
ԳՈՀԱՐ ԻՍԿԱՆԴԱՐՅԱՆ
Իրան միջազգային արդյունաբերական ցուցահանդես, որին
հաջորդում է երևանյան բիզնես-ֆորումը: Սակայն մինչև այսօր
էլ երկու երկրների տնտեսական հարաբերությունների զարգա-
ցումը խոչընդոտում են մի շարք խնդիրներ: Դրանք հիմնա-
կանում վերաբերում են մաքսային ոլորտին, ինչպես նաև
օրենսդրական դաշտի անկատարությանը: Այն հնարավոր
կլինի լուծել երկու երկրների մաքսային ու հարկային տոկոսա-
դրույքների իջեցման, արգելքների վերացման, արտահանման
ու ներմուծման օրենքների պարզեցման ու դյուրացման ճա-
նապարհով 3 :
2000-ական թվականների սկզբին նկատվում էր հայ-իրա-
նական առևտրային կապերի որոշակի թուլացում 90-ական-
ների առաջին կեսի համեմատությամբ, քանզի հայկական շու-
կա թափանցեցին ռուսական ապրանքները, որոնք ավելի
որակյալ և «հարազատ» էին Հայաստանին: Հետագայում Հա-
յաստանի շուկա թափանցեցին եվրոպական ապրանքներ,
որոնք ինչ-որ առումով դուրս մղեցին թե՛ պարսկական և թե՛
ռուսական ապրանքները 4 : 2000 թ. Իրանը Ռուսաստանից,
ԱՄՆ-ից, Բելգիայից հետո գրավեց 4-րդ տեղը 5 : Բոլոր պայ-
մանավորվածություններով հանդերձ իրանական շուկան շա-
րունակում է փակ մնալ հայ արտադրողների համար: Թեև այդ
երկրում հայկական ապրանքատեսակների ներմուծումն արգե-
լող որևէ որոշում չկա, սակայն իրանական մաքսատանը խո-
չընդոտներ են ստեղծվում:
Ուշագրավ է, որ ՀՀ բոլոր երեք նախագահներն էլ ար-
տաքին քաղաքականության ոլորտում խիստ կարևորել են հայ-
իրանական հարաբերությունները՝ ուշադրության կիզակետում
պահելով հատկապես տնտեսական հարաբերությունների բա-
րելավումը:
3
4
5
Հայ-իրանական գործարար համաժողովի մասնակիցների դիմումը երկու
երկրների օրենսդիր և գործադիր մարմինների բարձրաստիճան պաշ-
տոնյաներին, 21 նոյեմբերի, 1998 թ․, ՀՀ ԱԳՆ, Պատմադիվանագիտա-
կան բաժին, գործ 84, էջ 46, 47:
Թորոս Թորոսյան, Հայաստանի Հանրապետության և Իրանի Իսլամական
Հանրապետության առևտրատնտեսական կապերը /հիմնախնդիրներ և
հեռանկարներ/, Հայաստան. Ֆինանսներ և էկոնոմիկա, Երևան, N 6-7,
2002 թ., էջ 80:
ՀՀ նախագահ Ռ. Քոչարյանի այցն Իրան, Արաքս, Թեհրան, 24 (107),
հունվար, 2002, էջ 20:
23