KARNOVOL
Kuridu bizere jedna za drugom po kaletah maškare sa korajen bez paura omaškarone , zamotone glose prominili šeste iskrivili smijedu se svakomu šćipjedu , inpicoju svo se misto zamaškaralo dimon sa kominih vonjen gradel , bevonde opilo se , poludilo ne kapi se ko , čo , s kin ča kašnje to boje , to živje sve se manje razaznoje jer snoćoje , to škurije punidu se bonde isto se nahodu okužone bizere sad je vakat , sutra je pokora ma jedno je siguro Karnovol je kriv za sve .
Miki Bratanić „ Kad sve umukne govorićedu stine ” Split , 2000 .
POLITIšKI KARNOVOL
Judi , svitu , puče , znon čo zborit na ovin don , Čo zborit , čo van reć , a od ričih ne uteć Kora marko vas svit , znon , to je jasno ko i don a njegova svita cila karnovalu bas je mila i mostići sa Neretve , njih se gleda ko sve svete O sve ure , o svak don karnovol jin sad ni stron Sad bi desno , sad bi livo , pazi Petre nemoj krivo A u drugi šator livi njima opet svi su krivi Jesul krivi il su pravi , ma s mosta sad su pali Ko će koga ko će skin to će bit u drugi čin A prestava kad finije cili norod suze lije …. Lije suze norod cili , veli dvori za sve krivi Zaboravte judi bol , sad će Jure Karnovol
Vičte , skočte na ti don , karnovolski to je son A kad torij ti paso , čista srida se volto Onda opet sve po storu , politišku ti gledaj moru .
Luky
KARNOVOL
Danas smo niko drugi Druge obraze nosimo Drugačije govorimo Smijemo se , cotamo Doma pensire ostavili Dobre batude izvadili Drugega za sve okrivili Svakomu miru vazeli Drogo će nan kruto bit Do voje dešpete činit Danas smo niko drugi Sutra nas neće bit
Miki Bratanić Karnovala , 2012 .
SIGNALIZACIJA
Priko pjace kad kuriš vajo bit astut di ćeš gazit , Nogu prid nogu , propja tuko pazit . Od saliža svaka ploca svoju politiku vodi , Kad je kiša priko pjace pasat tukaju brodi . Od stoljeća sedmega se forska Pjaca slože , Rape , gobe i zodive svako se godišće množe ! Taman kad son penso od obnove ništa neće bit , Uspi son za jednu specijalnu plocu zadit . Pogledo pud tleha i marvocku glovu vidi , Penson : Eto barenko non znak upozorenja vridi ! Dobro je naprid gremo , arivala civilizacija , Ako ništa drugo funkcioniro non signalizacija
Poštribul
3