BROŠKIN KANTUN
Idem na katamaran i sretnen prijateja Foranina... pita on mene:- Šinjorina, ca svaka ženska hoće? Veći šta?- Ma šjor, ma kako me to morete pitat!- Hoće veći ormar!!!
***
Foranin: Ma recte vi meni, šinjorina, koja von je nojboja poza?- A šjor moj, sve su mi dobre! Foranin: A nojgora?- Nema, šjor moj, najgore. A vami? Foranin: Kad mi se žena popne na glovu.
***
Foranin: Šinjorina moja, ma recte vi meni zoc ovi mladići iskedu princeze za ženske?- A ne znam šjor moj.. Foranin: Jo son uvik zno da su magiju cinile viščice...- Ma kako znate, šjor? Foranin: Imon jednu doma...
***
Foranin: Nikada davno judi su van u Foru, šinjorina moja, bili bogati...- A onda?- A onda su ih upoznali sa šoldima..- A šjor moj, onda san van ja bogata..
Šinjorina moja, ca je za vos jubov?- A šjor moj, za mene vam je ljubav dvoje a jedno, ako me razumite? A za vas?- A šinjorina moja, jubov vam je ka prdac, ako forsiraš, moš se opako usrat, da prostiš. Zato nemojte forsirat.
***
- Šinjorina, je vas garli vaš mladić?- A šjor moj, kad stigne...- Ala, nemojte da vas garli kako Bosanac!- Ma kako to mislite?- A šinjorina moja, on van ženu garli samo kad vozi auto u rikverc...
***
Foranin: „ Šinjorina moja, znote ca hoće reć uspit? Puno njih je najveći uspjeh imalo kad se popelo na svoju ženu … ali to van i ni niki uspjeh, ni bila tuđa...
***
Popodne, lito, moj frend Foranin liže sladoled, i vidi se da covik gušta... kaže on da je pobiga jer mu žena broni slatko, kaže loši nalazi.- Ako vas vidi da ližete, šjor?- A šinjorina moja, grih von je ka kredit, uživon sada, a posli ću plotit...
***
***
Prijatelj Foranin me zaustavi i kaže: Šinjorina moja, ma ti son von reć za ženske da su vrozi i to … reka je jedon da je nojsritniji brak izmedju slipe žene i gluhega muža... e pa niti son jo gluh, a niti je va moja slipa.
***
Prijatej Foranin: Vi žene ste vrozi, od vos me somo glova boli … nikad vos se neću rišit...- A šjor moj, da je onin gore napravi ništo boje od žene, vjerovatno bi zadrža za sebe, a? Foranin: I da nisi vrog, a?
***
Prijatej Foranin me zaustavi i pito: Šinjorina, ca je za vos srića?- Srića von je, šjor moj, za mene, znote, mole stvori, vaja guštat u molin stvorima... Foranin: Mislite moli, a tehničar?- A šjor moj, nison tako mislila...
Kaže moj prijatelj Foranin: Šinjorina, ja san van u braku priko 50 godin...- I šta bi vi rekli danas ovima muškima? Neki savjet?- E viš, curo moja, žena je najlipji muzički instrument, samo triba znat prave note.
***
Šinjorina, poznajen puno njih ca su bili oprezniji priko pješačkog prijelaza, nego kad su ženske birali.
***
Pita mene danas jedan stariji Foranin da cin gren na posal? Kažen ja njemu: tramvajem!- Pa kako? U Hvaru nema tramvaja! Kažen ja njemu: Nema ni posla!!!
***
Srela ja epeta moga frenda Foranina, i pitan ja njega:- Barba, kakvi van je život? Kaže on meni: A lipa moja, ovo mi je tek parvin..
4