i ja onda stvarno zapišem
i celim putom domom si mislim
kulko to je te pevcov korak
al mi nema više ko to reči jel to puno jel to malo
nema više ko to za me ni zmeriti
baš su denes tate dvajst i dve lete kak je k svete barbare otišel
(to sem več negde zapisala)
a i bog zna de je kakov pevec
i kej zutra kej za vraga me zove mirjana moja moslavčanka
baš je prečitala v novina da sem v subotu bila v mustafine klade
onde de je pol sveta
a ona je v nedelu bila v svojem mikloušu de su prectavu za božič imeli i čula
je tulko stare reči kej je mislila da je se zaboravela
pa meni javla i se te reči nek bi si zapisala da se ne zgubiju
opuzla to sem čula velim
a mertuče za posudu nigdar to bi moglo bit neke turskoga kej one mustafa
kej su ga gore za kladu privezali i za glavu skratili
a jesi ti imela čuti kak je dan od božiča dukši za pevcov korak
je velim
a ona mi se u vuho tak smeje kej da se nigdar ne smejala
jako dugo nes imela čuti da bi se neko smejal z takvem smejom
a tetka na to veli da se veli pak da je mera pevcov klun
bogtepitaj kulko je pak to i koje je za popravo
pevca nemam de zeti ni tak ni onak
gda si ležem na zemlu
gda si ležem na zemlu
samo na zemlu
nit kober pod se ne metnem
a tekar je prolecka
(z jenem okom vidim mama čisti polski radič
još ne vreme ni da bi prepukavala najranešu šalatu na vrčaku)
i još zemle sneg diši črez kožu
56