Nai vakatagedegede ni bula e dodonu me bula kina e dua nai
tabagone ena yavutaki ga ena Vosa ni Kalou. Oqo na digidigi era
na digidigi yadudua kina ka na rawa ga ni kila na loma ni Kalou
ni ra wilika, vulica, vakanananu ka bulataka na Vosa ni Kalou. Ni
ko sa kila se ko cei ko iko ena nonai serau na Kalou - ni ko luve
ni Kalou, ko sa wiliki ena matavuvale Vakalou, ka sa nomu na
veisolisoli vakayalo kece ka tiko vei Karisito, ena rawa ni ko bula
kaukauwa ka qaqa ka vakalomavinakataka na Kalou.
Taro me veitalanoataki
1. Na cava na vuna e ka bibi sara ga kina vei ira nai tabagone ena
gauna oqo me levu na gauna era solia me ra vulica kina na
Vosa ni Kalou?
2. Veitalanoataka na ka e rawa ni cakava na mona livaliva ni
vakau i tukutuku sa tu ena gauna oqo kei na nomu veiwekani
kei na Kalou?
3. Na cava na vuna e bibi kina mo kila na vakatagedegede ni
bula vakayalo e dodonu mo kila ni ko sa cauravou se
goneyalewa tiko?
8