Vuli 4:
NA VOSA NI KALOU SA
VU NI BULA KI NA MATAVUVALE!
Lesoni: Vakatekivu 2:24-25
“ O koya oqo sa na biuta kina na tamana kei na tinana
na tagane, ka kabita na watina: a rau sa lewe dua ga. A
rau sa luvawale, na tagane kei na watina, a rau sa sega ni
madua.”
Na vuvale a vakadeitaka na Kalou me matai duadua ni yavu bibi
ni bula vakaveiwekani vakatamata. A matai sara ga ni yavu ni
bula vakaitikotiko a tauyavutaka na Kalou ni bera ni basika na
lotu kei na matanitu. E kenai balebale oqo ni kaukauwa kei na
balavu ni bula ni lotu kei na dua na matanitu ena vakatautaki ena
kaukauwa ni vuvale.
Na vuvale sai koya na yavu ni bula vakaitikotiko ka levu duadua
na kena sagai me vakarusai mai vua na tevoro. A tekivu sara ga
na sasaga oqo ena were mai Iteni. A sega tale ni vakaberabera na
tevoro ena gauna rau sa vakawati kina ko Atama kei Ivi. E kila na
tevoro ni kevaka e vakarusa na nodrau bula vakawati e dua na
tagane kei na yalewa, sa na rawa ni vakarusa na vuvale ka vaka
talega kina na veika tale eso.
Oqo na vuna e bibi kina me raica na lotu na kena vakaqaqacotaki
na bula ni vakawati kei na vuvale. Na vuvale e ivakatakarakara
e vuravura kai vakaraitaki voleka duadua ni nodratou veiwekani
na Lewe Tolu Vakalou; Tamana, Luvena kei na Yalo Tabu. E
sega tale ni dua na veiwekani e vuravura mei vakaraitaki voleka
duadua ni veiwekani ni Kalou kei na tamata me vaka na vuvale.
Meda veiwaseitaka mada e so na dina ena vakasama oqo:
1.Na veiwekani ni tagane kei na yalewa ena vakamau e dodonu
me veiwekani BIBI duadua me vaka sara ga na bibi ni veiwekani
ni Kalou kei na tamata. A sega ni bulia e dua na tamani gone,
tinani gone, se vugona yalewa na tagane na Kalou me veitokani
kei na tagane; ia a solia ga vua e dua na YALEWA me watina. Na
yalewa duadua ga e rau rawa ni bucina vata e dua na matavuvale
kei na tagane.
2. Na veiwekani ni tagane kei na yalewa ena vakamau e dodonu
me TUDEI me vaka ga na nona veiwekani e dua na tamata kei na
Kalou e dodonu me tudei. Ko ira na gone era na tiko vata kei ira na
9