nodrai tubutubu ena dua ga na gauna lekaleka, ia na veiwekani
ni tagane kei na yalewa ena vakamau ena tudei me yacova sara
na mate.
3. Na veiwekani ni tagane kei na yalewa ena vakamau e dodonu
me yavutaki ga ena DUA NA TAGANE DUA NA YALEWA. Nai
Vola Tabu e kaya ni na biuta na tamana kei na tinana na tagane
ka kabita na watina (dua ga). E dodonu me dua ga na watina na
tagane se yalewa me vaka ni dua ga na Kalou eda qarava.
4. Na veiwekani ni tagane kei na yalewa ena vakamau e dodonu
me veiwekani e VEIVOLEKAT KA VEIMOSITI. Na tagane kei na
yalewa ena vakamau e rau sa duabau ga. Sa sega ni rau lewe rua,
e rau sa duabau ga. Na veiwekani ni Kalou kei na tamata ena qai
vakaibalebale ga ni rau sa veivolekati sara ka dau veimositi.
Taro me Veitalanoataki
1. Vakamacalataka mada se cava na vuna e bibi kina na kena
tauyavutaki e dua na matavuvale ena Vosa ni Kalou ena loma
ni lotu kei na vanua raraba nikua.
2. Solia mada e so nai vakaraitaki nikua ni kena valuti na bula ni
vuvale. Ena rawa vakacava ni da valuta lesu na veika oqo ?
3. Vakamacalataka mada se cava na vuna e vakaraitaki vinaka duadua
ni veiwekani ni Kalou kei na tamata na vakawati.
10