Vuli 5:
NA VOSA NI KALOU SA
VU NI BULA KI NA LOTU
Lesoni: Maciu 16:15-19
“Sa qai kaya vei ira ko koya, Ia dou sa kaya se ko cei koi au?”
Sa qai vosa ko Saimoni Pita, ka kaya, Oi kemuni na Karisito,
na Luve ni Kalou bula. A sa vosa ko Jisu, ka kaya vua, O sa
kalougata, Saimoni Pa-Jona: ni sa sega ni vakatakila vei iko
na lewe kei na dra, na Tamaqu ga sa tiko mai lomalagi. Au sa
kaya talega vei iko, O iko ko Pita, ia e dela ni vatu oqo ka’u
na tara kina na noqui soqosoqo lotu, ia ena sega ni rawata
na matamata ni koro mai Etesi. Au na solia talega vei iko
nai dola ni matanitu vakalomalagi: ia na ka kecega ko na
vauca e vuravura, ena vauci mai lomalagi: ia na ka kecega
ko na sereka e vuravura, ena sereki mai lomalagi.”
Oqo e dua na sota duatani e rau sota ka veitalanoa kina ko Jisu kei
Pita. Ena gauna a tarogi iratou kina na nona tisaieli ko Jisu se ko
cei e ratou kaya ni ko koya, a sauma ko Pita ena veivuke vakayalo
mai lomalagi, “Sai kemuni na Karisito, na Luve ni Kalou bula.”
A marautaka ko Jisu na ka a kaya vua ko Pita, ka qai vakaoqo na
nona vosa, “Au sa kaya talega vei iko, O iko ko Pita, ia e dela ni
vatu oqo ka’u na tara kina na noqui soqosoqo lotu, ia ena sega ni
rawata na matamata
ni koro mai Etesi.”
E vica na veika bibi eda raica rawa ena veivosa oqo ena rarama ni
ulutaga Na Vosa ni Kalou kei na Lotu.
a) Ko Jisu Karisito na Vosa ka yaco me mai tamata. O koya a bula
vata kei keda ka tamata vakataki keda (Joni 4:14). Ke sega ko Jisu,
ena sega ni dua nai soqosoqo lotu.
b) Sa tu vei Jisu na bula; ia na rarama ni tamata na bula (Joni 1:4).
c) E tara tiko na nonai soqosoqo lotu ko Jisu Karisito. E nona nai
soqosoqo lotu; sega ni noda! O koya e tara tiko; sega ni o keda! Oqo
e dodonu me bibi vei keda. E dodonu meda laiva mada ga na lotu
me isoqosoqo lotu e nanuma o koya me vaka na nonai tuvatuva.
d) E sega ni dua na kaukauwa e tiko e vuravura e rawa ni vakarusa
11