na nona lotu. Na vuna e baleta ni ko koya sara ga vakataki koya,
ko Jisu na Karisito, na Vosa, kei na vu ni bula ki na lotu e tara cake
tiko ka na taqomaka talega.
e) E tara tiko na nonai soqosoqo lotu ko Jisu Karisito ena dela
ni vatu O koya sara ga na VATU, kei na ka kece e yavutaki ena
vatu ena sega ni yavalati rawa se vakatosoi (Maciu 7:24-27).
f) Na nona i soqosoqo lotu e sega ni dua na vale tara ena liga
se dua walega nai soqosoqo; ia e dua na ka bula, kaukauwa ka
vakayaco ka tiko.
g) Na nonai soqosoqo lotu e sega walega ni dua na matalotu, era
okati kina na tamata vakabauta kece sara e vuravura ka dodonu
me tiko na kenai vakaraitaki eda raica ena ivavakoso yadudua
eda lewena.
h) Na tamata vakabulai taucoko, se matalotu cava e lewena,
e dodonu me tiko na ivavakoso lotu e lewena. Na cava na
vuna e bibi kina oqo? Me vaka ga ni gone taucoko era sucu, e
tiko na matavuvale era vakasucumi kina, na tamata taucoko
e kaya ni sa sucu vou ka vakabulai e dodonu me vakasucumi
talega ki na dua na matavuvale vakayalo; sai koya nai
vavakoso lotu e lewena. Me vaka ga ni gadreva e dua na gone
dramidrami na wai ni sucu me bula ka tubu cake kina, na
tamata vakabauta kece e gadreva talega na Vosa ni Kalou me
tubu cake kina vakayalo.
Taro me Veitalanoataki
1. Veitalanoataka mada na bibi ni veiwekani e tiko ena kedrau mali-
wa na Vosa ni Kalou kei nai soqosoqo lotu ni Kalou bula.
2. Nai soqosoqo lotu e sega ni dua na “vale tara ena liga” se “soqo-
soqo walega vakatamata,” ia e dua na ka bula. Vakasamataka
mada na veivosa oqo ka veitalanoataka na ka dou nanuma e
kenai balebale.
12