Vuli 6:
NA VOSA NI KALOU SA
VU NI BULA KI NA MATANITU
Lesoni Same 33:12
“Sa kalougata na matanitu sa nodra Kalou ko Jiova; kei na
mataqali sa digitaka ko koya me nonai votavota.”
E Kalou cecere duadua na Kalou eda qarava ka vakatau duadua ga
vua nai cavacava kece ni veivanua kei na veimatanitu e vuravura.
E sega ni gadreva o koya e dua na matabose me ratou vakatulewa
vata ena ka e dodonu me yaco ena gauna oqo kei na veisiga ni
mataka. O koya duadua ga na turaga ni lewa. Na Kalou e tiki ni
nona bula me DAUNILEWA DODONU!
Oqo na vuna e bibi kina me vakatusa na veivanua kei na matanitu
e vuravura ni tiko e dua na Kalou ka bulia na veika kecega ka
dodonu talega me da sokalou vua na tamata kecega. Nai Vola
Tabu e kaya ena Same 24:1 “Sa nei Jiova ko vuravura kei na ka
kecega sa sinai kina.” E nei Jiova na vuravura, ia eda kena manidia
walega koi keda. Kevaka eda manidiataka walega na veika e
nona na Kalou, ena tiko na gauna eda na saumi taro kina vua
enai valavala ni noda qarava na ka e nona. Ni da kila na dina oqo,
ena matata kina vei keda na bibi ni noda sokalou duadua ga vua,
ka ni sala ga oqo e na vakalougatataki kina na noda vanua ka na
rawa talega ni da vakaio taucoko ki na ka e gadreva.
A vosa na Kalou vei ira na Isireli ena Lako Yani 20 ka solia kina
vei ira nai Vunau e Tini; na kenai matai sara ga e vakabibitaki kina
na ka ga e dodonu me bibi vei keda ena noda kilai koya kei na ka
meda vakaliuca duadua na tamata kecega e vuravura. Oqo na ka
e kaya ena gauna ko ya, ka sa bibi tikoga ena veimatanitu kece
e vuravura ena gauna oqo. “A sa tukuna na vosa kecega oqo ko
Jiova, ka kaya, Koi au ko Jiova na nomu Kalou, ko koya ka kauti
iko mai na vanua ko Ijipita, mai na vale ni veivakabobulataki. Me
kakua vei iko na Kalou tani, koi au duaduaga.”
E vakananumi ira na Isireli na Kalou ni o koya duaduaga e dodonu
me ra qarava. Kenai karua, a vakananumi ira talega ni ra a tamata
bobula ena dua na gauna ka sega ni ra sereki ira rawa mai na
nodra vakabobulataki. Era a gadreva e dua na dauniveisereki; oya
na vanua a takosovi ira kina na Kalou ena veiliutaki nei Mosese.
Eda vakaroti na tamata vakabauta meda sega walega ni dau
13