18
24 ORDU PAPEREAN
Hori koloreko baldosak jarraitzeko zalantzaz
gabiltza maíz karrika zaharretatik,
Baina Dorothyk ez bezala
etxera itzultzeko desio barik.
Hori koloreko baldosak zapaldu barik,
Etxeko berotasuna agertzen digun keari
Erreparatzeke gabiltza ilunetan;
Iparrizarrak edo bestelako argiren batek
Orientatzeko laguntzarik emango digun esperoan.
Hala gabiltza markaturiko bidea saihestu nahirik,
Kontzientzia eta erosotasuna behar dugun arte,
Dioniso alde batera
Apoloren besoetara itzultzeko unea dela ohartu arte.
Hala gabiltza hegoalde irrazionaleko itsaslabarrak ezagutu ditugunean,
Itzulerako munstroari aurre egiteko beldurrak itotzen gaituenean,
Bidaia psikodelikoak barne-orekarekin uztartu behar ditugunean,
Hori koloreko baldosek,
Iparrorratz funtzioa betetzen dute horiek,
Uneoro helmuga berdinera bideratzen gaituztela onartu behar dugunean.