ETSIPEN
Ibon Azpiri, Iker Olabegoia, Imanol Jareño, Martin Sarasketa
Nondik zatozte?
Berriztik datorren talde gaztea gara, betidanik ezagutzen dugu elkar eta musika zaleak gara; horrek sortu digu jotzeko grina. Pare bat urte daramazkigu jotzen jada, eta nahiz eta nahi baino gutxiago jo, ederto pasatzen dugu entseguetan.
Zerk esnatzen du zuen inspirazioa?
Gehienbat gustatzen ez zaizkigun gauzak salatzen edo adierazten saiatzen gara; kezkatzen gaituzten injustizia sozialak edo norberaren barne borrokak, adibidez.
Zer konposatzen duzue lehenago, musika ala letra?
Orokorrean musika konposatzen dugu lehenago, “naturalagoa” dela iruditzen zaigulako. Gero, kantuari komeni zaion melodía baten bila goaz. Normalean,
letrak egitea musika konposatzea baino zailagoa egiten zaigu.
Zein da gehien gogoratzen duzuen bizipen edo anekdota?
Hasiberritan zailtasunak izaten genituen materiala lortzeko (batería, ekipoa, ampliak…) eta beti beste musikarien atzetik ibili behar izaten ginen material eske. Ez geneukagun baliabide handirik, eta ez da erreza izaten musika ekipoa zein instrumentoak lortzea.
Norantz zoazte?
Egia esan orain arte ez diogu galdera honi garrantzi larregi eman. Gustora gauden bitartean, gure helburua ahalik eta leku gehienetan jotzea da musikaz disfrutatzeko eta ikasteko.
12
MUSIKA
• Punk ala hippie? Punk
• Mikel Laboa ala Benito Lertxundi? Mikel Laboa
• Abesti bat? Black Flag – Nervous Breakdown
• Kontzertua 22:00etan
edo 02:00etan? 22:00tan