ջանում եմ ամենուրեք ու ցանկացած մեծ կամ փոքր
լսարանի փոխանցել բնության պահպանության կարևոր
հորդորը: Ինչքան որ ուժ ու եռանդ ունեմ, նույն ոգով
շարունակելու եմ իմ այդ առաքելությունը, որպեսզի
հնարավորինս շատ մարդ համակվի այդ զգացումով:
Բնությանը, մարդ-բնություն հարաբերության և պատմամշակութային ժառանգությանն է նվիրված իմ նոր գիրքը՝
«Լռության գինը» վերնագրով1:
Գրքում տեղ գտած առաջին արձակ ստեղծագործությունը «Ամբերդ. քարաշեն լեռը» վերնագրով գեղարվեստական ակնարկն է: Հայաստանում շատ կան պատմամշակութային զարդարուն կոթողներ, որոնք հիացնում են
իրենց տեսքով, ճարտարապետական մտքով ու այդ միտքը
կյանքի կոչելու շինարարական տաղանդով: Հոգևոր-մշակութային նշանակության այդ անգին կոթողներն, ասես,
նախշազարդեր լինեն հայրենի բնության ընդհանուր կտավի
վրա: Նրանցից ամեն մեկն ունի իր տեղը, չկրկնվող տեսքը,
ուրույն դիմագիծը, պատմությունը, նշանակությունը: Դժվար
է առանձնացնել այդ կոթողներից որևէ մեկը ու գրել միայն
1
Հեղինակի նախորդ՝ «Զատիկ Լեոն» (Երևան, 2008), «Ամանորյա հեքիաթ»
(Երևան, 2009), «Ապրելու իրավունք» (Երևան, 2011), «Սերը կանչում է»
(Երևան, 2013) գրքերն արդեն ճանաչվել և սիրվել են ընթերցողների կողմից
(տես՝ «Իմ գրքերը» (http://arlenshah.wordpress.com/my-books/)): Հատկանշական է, որ առյուծ կենդանատեսակին և աֆրիկյան վայրի բնաշխարհին
նվիրված «Ապրելու իրավունք» գիրքը, իր բովանդակային ընդգրկումով և
բնապահպանական հարցադրումով արժանանալով Բնության համաշխարհային հիմնադրամի հայաստանյան մասնաճյուղի (WWF-Հայաստան)
ուշադրությանը, լույս տեսավ հիմնադրամի ֆինանսական աջակցությամբ:
Գիրքը լայն արձագանք գտավ մասնագիտական շրջանակներում, ԶԼՄներում, ընթերցասեր ու բնասեր հասարակության շրջանում: Այն նվիրաբերվեց մասնագիտական-բնապահպանական կառույցներին, կրթական
հաստատություններին, գրանցվեց գրադարաններում, այդ թվում՝ ԱՄՆ-ի
Կոնգրեսի գրադարանում (տես՝ «Ամենաընթերցվողը» (http://arlenshah.
wordpress.com/arlen-shahverdyan-right-to-live-book/)):
6
ԱՌԼԵՆ ՇԱՀՎԵՐԴՅԱՆ