Kavlvegen:
Kulturminne blir kultursti
Følg gjerne
prosjektet på
Facebook!
Kavlvegen
kultursti
I Surnadal er ei eldgammal ferdselsåre i ferd med å bli restaurert og omskapt til
kultursti. Kavlvegen følgjer historiske fotefar frå Grimsmomarka til
Åsen bygdemuseum på Eidet.
Frå venstre: 1: Husasnotra saman med bachelorstudentar i tradisjonelt bygghandverk/NTNU. 2: Lærling ved Husasnotra Jonathan Kalvik Gorton.
3: Hestekarane Anders Sæther Moen og Harald Røen under tradisjonell tømmerkjøring. Under: Næming ved Husasnotra, Aske Lindquist Bækken
Eldgammelt
“
handverk gir
nytt turområde
På Eidet ligg eit av dei mest verdifulle kulturminna i
Surnadal kommune, ei 800 meter lang strekning av
ein kavlveg, med stokkar som er daterte til 1000 år
bak i tid. Ein kavlveg er ein veg av tømmerstokkar,
delt på langs og lagt ned i bakken, som gjer ferdsel
over myr og vått terreng mogleg.
Den eldgamle kavlvegen på Eidet ligg godt bevart
i myra, men no skal ein ny kavlveg opp i lyset – for
å gjere gamle kulturminne betre kjent, og for å gi
kommunen eit nytt turområde på ein heilt eigen
kultursti.
Delar av den nye turstien vil bestå av kavlveg, bygd
etter same mønster som den gamle vegen, som i
dag ligg gøymt i myra. Surnadal kommune har fått
BARK-midlar frå Riksantikvaren til å rekonstruere
500 meter med kavlveg som del av den nye kultur-
stien tufta på kulturminnet.
Med den nye vegen/stien, lagar kommunen ein
kultursti som nyttar seg av ein gammal metode som
gjer ferdsel over sårbar våtmark og myr mogleg
utan store naturinngrep. Slik har prosjektet potensi-
elt stor verdi også nasjonalt, med kompetanse-
bygging og kunnskapsdeling.
Denne vinteren og våren starta arbeidet med vegen.
Først med tømmerhogst med hestetransport, så
med tilverking av stokkar. Surnadal kommune har i
samarbeid med Riksantikvaren og Møre og Romsdal
fylkeskommune invitert til fleire kurs og foredrag
om legginga av kavlvegen, for å gi mange høve til å
delta i prosjektet og lære eldgammalt handverk.
Arbeidet med kavlvegen og kursprogrammet er det
byggleiar Torgeir Leivdal ved Husasnotra, ei av-
deling i tradisjonshandverk ved stiftelsen Geitbåt-
museet/Nordmøre museum, som har ansvaret for.
NTNU Vitenskapsmuseet leverer det arkeologifag-
lege grunnlaget. Mange frivillige vil vere involverte
i arbeidet med å legge til rette for og sette i stand
den nye kulturstien.
Stien vil bestå av fleire delar: noko er kopi av den
gamle kavlvegen, noko er modifisert kavlveg, og
der det er nødvendig, vil stien vere gruslagt. Ein del
av stien vil bli universelt utforma for enkel ferdsel
med rullestol eller barnevogn. I sommar/haust
startar legginga av kavlveg-kopien, medan bygginga
av resten av turstien vil ta fatt i 2020, dersom alt går
i rute med anbodsrundar og planarbeid.
Den ferdige kulturstien vil vere ein 3,5 km lang
rundtur frå Åsen bygdemuseum, med tida også med
gangvegstilgang frå bustadfelta i Grimsmomarka.
Når kulturstien står ferdig, får Surnadal eit nytt
og lett tilgjengeleg friluftstilbod – kombinert med
formidling av eit verdifullt kulturminne.
7