AKTIVITET OG AVSLAPPING
– midt i sentrum
Landskapsplan
Svartvatnet friområde.
Svartvatnet friområde, ein aktivitetspark og ei grøn lunge på Skei, vil
by på noko heilt nytt. Med utgangspunkt i ein kreativ workshop i
2016, der mange ønske vart løfta fram, har planlegginga av
området i dag komme eit langt steg framover.
Berit Okstad i areal- og
naturforvaltingsavdelinga i
Surnadal kommune fortel
at reguleringsplanen for
svartvassområdet på
Skei, Surnadal sentrum,
vart vedtatt allereie i
2008. Dei siste åra har
det dukka opp mange
nye bustader i området,
og heile 16 mål er regu-
lert til friområde.
I samband med at området
stadig utviklar seg med fleire
bustader, både hus og leilegheiter,
vil parken i området bli realisert.
– Det er mange som har hatt gode innspel vi
har lytta til i planlegginga, mellom anna Rådet
for likestilling av funksjonshemming, Ungdoms-
rådet, Eldrerådet, Atleta, Trollheimen Trenings-
senter, representantar frå skategruppa,
Bårdshaugen barnehage og fleire småbarns-
foreldre, seier Okstad.
Berit O
Berit Okstad
Areal- og naturforvaltningsavdelinga i
Surnadal kommune.
6
Området skal være tilgjengeleg for alle, og tilkomst,
aktivitetar, identitet og kvalitet har vore viktig i plan-
leggingsfasen. Okstad fortel at det å ta i bruk elva
står svært sentralt.
Mange aktivitetstilbod
I landskapsplanen for området finn vi mange kreative
forslag som no blir sett ut i live. Her er det planar
for sykkelløype, leikeplassar, badebrygge og strand,
sandvolleyballbane, skating og streetbasket. Parken
vil gi rom for både aktivitet og avslapping.
– Kvifor skal ikkje Surnadal ha eit parkområde
sentralt i bygda, spør Okstad ivrig, og viser til at dei
no har henta inspirasjon frå fleire norske byar og
tettstader, som allereie har realisert slike prosjekt.
Gang- og sykkelveg frå Grytå/Grimsmomarka til
skulen er planlagt med rute gjennom parken, og det
er ikkje lagt planar for andre parkeringsplassar enn
HC-parkering.
Parken er sjølvsagt planlagt universelt utforma,
med god tilkomst for alle. Det blir eit trygt område
der du kan sleppe ungane fri, fritt for bilar og andre
kjøretøy. – Det er nok asfalt i Surnadal som det er, vi
skal by på noko anna her, smiler Okstad.
Når blir parken klar for opning?
– Det gjenstår mykje arbeid for å få alt på plass.
Arbeidet kjem til å ta tid, men allereie i sommar vil
folk sjå aktivitet i svartvassområdet. Vi gler oss til å
vise surnadalingar og besøkande noko heilt nytt om
ikkje altfor lenge, seier Okstad.
Foto og ill.:.
Avdeling for areal- og naturforvalting i Surnadal og Getty Images.