Agoloso Presents - Atondido Stories Agoloso Presents - Paphata pa Chichewa | Page 8

Paphata pa Chichewa
Amagazi: Amphamvu.
Chitsanzo: Ndife anyamata amagazi.
Amakanyanga nsambo: Waluso kwambiri poimba gitala.
Chitsanzo: Nthawi imeneyo amene ankakanyanga nsambo
anali achina Michael Yekha, Tambala Chitenje ndi ena
otero.
Amalinyero: Anthu opalasa ngalawa, ogwira ntchito
muboti.
Chitsanzo: Kuoloka nyanja zikuluzikulu kumafuna
amalinyero odziwa bwino ntchito.
Amandikhumba: Amafuna kuputana nane,
amandiyamba. Chichewa chimenechi chinkakonda
kuyankhulidwa ndi ana akayambana. Akazindikira kuti
wina amamukhumba, ankatenga dothi n’kumuuza kuti
aphume. Akaphuma ankayamba kumenyana. Tanthauzo
lake lenileni ndi kukufuna.
Chitsanzo: Mwana ameneyu amandikhumba.
Amandiyang’ana ndi diso la nkhwezule: Amaoneka kuti
amadana nane, sandiona bwino.
Chitsanzo: Bambo amenewa amandiyang’ana ndi diso la
nkhwezule.
Amashiwi: Malo okhala mbalame yopatsa mwayi.
Angatanthauze munthu amene ukuganiza kuti
angakuthandize kupeza zimene ukufuna.
Chitsanzo: Wawaona amashiwi!
Amasunga mawu ake: Amakwaniritsa zimene wanena.
Chitsanzo: Mfumuyi imasunga mawu ake.
7