Guðmundur Rúnar Davíðsson, ritari VLFA:
Þurfum að efla iðnnám
Guðmundur Rúnar Davíðsson hefur starfað í stjórn Verkalýðsfélags
Akraness síðan árið 2003. „Ég hef komið að stjórn félagsins á ýmsan
hátt. Ég var formaður iðnsveinadeildar þegar kosningarnar voru árið
2003 og ný stjórn tók við. Síðar varð ég ritari félagins og auk þess
sit ég í stjórn orlofssjóðs. Fyrir hönd iðnsveinadeildar sit ég einnig
í miðstjórn Samiðnar og er í samninganefnd. Ég hef mjög gaman
að þessum störfum og þau eru gefandi, fyrir utan það hvað þetta er
fræðandi. Maður veit miklu meira en áður um réttindi og annað slíkt.“
Guðmundur Rúnar segir stöðu iðngreina fara batnandi á ný eftir erfið
ár í kjölfar hrunsins. „Við hrunið þá fór allt niður á við og fólk var víða
látið taka á sig miklar launalækkanir og slíkt. Margir iðnaðarmenn hafa
tekið að sér störf erlendis og ég hef nú sjálfur prófað það. Ég vann í
Noregi um tíma og það hafði sína kosti, launin voru mikið betri og
góð frí á milli tarna en vinnudagurinn var langur og ferðatíminn ekki
greiddur. Svo æxlaðist það þannig að ég kom aftur heim og vinn ennþá
við smíðar. Þegar maður fer að hugsa út í þetta, þá er maður að verða
of gamall í svona flæking.“
Guðmundur Rúnar Davíðsson, ritari VLFA og fulltrúi
iðnsveinadeildar í miðstjórn Samiðnar
Aðsókn í nám við iðngreinar hefur minnkað síðustu ár og segir
Guðmundur Rúnar þá þróun óneitanlega tengjast þeim launum sem í
boði eru. „Námslega séð er staðan ekki góð. Allt of fáir iðnaðarmenn
útskrifast úr námi og það þarf að kynna iðnnám sem slíkt mun betur.
Launakjörin hamla okkur óneitanlega því iðnaðarmenn hafa setið eftir
í launahækkunum síðustu ára.“
Félagsmenn við leik og störf
Vinnsla á hval hefur gengið vel og hafa um 150 manns haft atvinnu af
hvalveiðum í sumar. Hér má sjá starfsmenn í hvalskurði á Akranesi
Rakel Hilmarsdóttir við vinnu sína hjá Hval hf.
Þyrla Landhelgisgæslunnar sýnir björgun á sjó á sjómannadaginn 2014
Hákon Hjartarson sker hval af miklum móð
17