ווען אין אנהויב האט ער בלויז געהאט זיין משוגעת פון רעדן צו די געוויקסן וואס ער פלאנצט אהן און ער האט איינגערעט פאר ענדי , אז מ ' האט אים געלערנט אין פוילן , אז די געוויקסן פארשטייען וואס מ ' רעדט צו זיי און אין האלאנד האט ער גאר געלערנט פון די בלומער פארמער , אז ווען מ ' רעדט שיין צו די בלומען וואקסן זיין פול שענער .
דאס האט נאך ענדי געקענט דערהייבן און מעגליך אנעמען די איינרעדעניש , טראץ דעם וואס ער האט זיך נישט געפירט אזוי צו טאן . אבער שפעטער האט דער אלטער דזשאו אנגעהויבן צו פירן מיסטערישע געשפרעכן מיט זיך אליינס און ענדי האט אים געשלעפט צו א דאקטאר אין ליבערטי , וועלכער האט באשטעטיגט , אז דער אלטער ליידט פון געוויסע מענטאל פראבלעמען און ס ' איז ראטזאם , אז ער זאל נעמען עפעס מעדעצין וואס וועט אים עטוואס בארואיגן און ארויס נעמען פון א געוויסע סייקאטישע צושטאנד אין וועלכען ער געפונט זיך .
דער אלטער דזשאו האט אבער געטענה ' ט , אז דער דאקטאר איז א איד און ער וויל אים בלויז שעדיגן און פארדראגן און דערפאר האט ער נישט געוואלט נעמען די בארואיגונג מעדעצינען וואס דער דאקטאר האט אים פארשריבן .
ווען ער איז אבער געווען קראנק און געליטן פון פארשידענע געזונטהייט פראבלעמען איז ער יא גיך צוריק צו דעם אידישן דאקטאר און זיך געלאזט באהאנדלען דורך אים .
אזוי ווי דער אלטער האט נישט געוואלט פאלגן דעם דאקטאר און ער האט נישט גענומען די בארואיגונגס מעדעצין וואס דער דאקטאר האט אים פארשריבן . האט ענדי געליטן גאר אפט פון אים און דער אלטער פלעגט אנהויבן צו פארפירן און רעדן מאדענע זאכן און ווען ענדי האט אים נישט אויסגעהערט האט ער זיך געבייזערט און פארפירט מיט איבער געטריבענע געשרייען און ווילדע סטראשענונגען .
דזשאו האט אויך געליטן פון א געוויסע פאראנויאישע איינרעדעניש , אז אידן ווילן קומען און צו נעמען די אוצרות וואס ער
האט באהאלטן אין זיין בעיסמענט .
ווען ענדי האט אים פרובירט צו בארואיגן און ערקלערן , אז די אידן וועלכע זענען דארט אין אפסטעיט זענען זייער געשמאקע מענטשן און זיי זענען נישט קיין גנבים , האט דאס בלויז פארערגערט די אנגעצויגענע סטאטוס פון דזשאו און ער איז געווארן מער ווילד אויף ענדי און געשריגן , אז ער איז געווארן פארנארט דורך די אידן .
עטליכע מאל האט ענדי נישט געהאט קיין ברירה און ער האט געמוזט ארויס רופן מעדיקל הילף און ער האט אריין גערופן צו די 911 אפערעיטאר און פארלאנגט אז מעדיקאמענטן זאלן קומען באהאנדלען זיין טאטן וועלכער איז ארויס פון קאנטראל .
די לאקאלע אמבולאנס וואלונטירן פון פארקסוויל , האבן שוין גוט געקענט דעם פאציענט דזשאו ריטשארדס און עטליכע מאל האבן זיי אים געמוזט נעמען מיט געוואלד און אים אזוי אריין שלעפן צו די לאקאלע שפיטאל פון פסיכאטישע באהאנדלונגען און די דאקטוירים אין שפיטאל האבן אים סטאביליזירט מיט ספעציעלע בארואיגונג מעדעצינען , ביז ער איז אהיים געשיקט געווארן פון שפיטאל מיט קלארע אינסטרוקציעס , אז ער מוז ווייטער נעמען מעדעצינען זיך צו קענען האלטן אין קאנטראל .
ווען ענדי האט אנגעהויבן צו סטראשענען זיין טאטע , אז אויב ער וועט נישט נעמען די מעדעצינען וועט ער נעמען די לעגאלע שריט אים אריין צו שטעלן אין א ספעציעלע אנשטאל , ווי אזעלכע מענטשן ווי ער ווערן געהאלטן אונטער פולשטענדיגע קאנטראל . האט דער אלטער געכאפט דעם מעסעדזש און ער האט אנגעהויבן צו פאלגן די אנווייזונגען פון די דאקטוירים און ער האט גענומען זיין טעגליכע דאוזע פון מעדעצין .
ענדי האט אזוי אנגעהויבן צו אנערקענען א געוויסע ענדערונג אין די ווירטשאפט פון דזשאו , אבער ס ' איז געווען קענטליך , אז עפעס אינערליך טרייבערט אים און ער איז נאך אלס אנגעצויגן און נערוועז און פארנומען מיט זיין אילוזיעס ,
172 SHOPPERS ROUTE November 20 2024