פלאץ זעהט אויס גוט פון אינדרויסן , אבער די באנגעלאוס זעלבט האט ער גארנישט צוגערירט און גאר זעלטן איז ער אריין דערין . ביז יענעם זומער פון , 1950 וואס ער האט ענדליך באשלאסן , אז ער וויל דאס פארדינגען גענוי ווי אלע אנדערע באנגעלאו קאלאני אייגענטימער אין פארקסוויל און אין די אנדערע קעטסקיל שטעטלעך , באווייזן דאס ארויס צו געבן .
אזוי האט ער גענומען די ווייטערע שריט און אריין געשטעלט אן אדווערטייזמענט עטליכע מאל אין געוויסע צייטונגען וועלכע קומען ארויס אין ניו יארק סיטי . ביז ס ' האט זיך אויסגעצאהלט און ער האט באקומען דעם באקאנטן אידישן קליענט זונדל רעכטמאן . דער אייגענטימער פון רעכטמאנס מילכיגע רעסטאוראנט אין די בראנקס , וועלכער האט אפגעדינגען די באנגעלאו קאלאני , נאכן געבן גענוי אינסטרוקציע פאר ענדי ווי אזוי דאס צו רענאווירן און איבער פרישן , אז די רענטער זאלן קענען באשטיין ארויס צו דינגען די באנגעלאוס פאר ' ן זומער .
מיר קומען צוריק צום אנהויב פון אונזער באשרייבונג צו דערמאנען די ליינער , וואס ס ' האט זיך אפגעטאן נאכדעם וואס די אידישע רענטער זענען ארויס געקומען אין די קאנטרי און דער רשע דזשאו האט זיך צעשלאגן מיט זיי , בלויז ווייל זיי האבן גענוצט די קאסינאו , דעם ערשטן שבת צו פראווענען דארט שלוש סעודות און דאווענען מעריב .
די אינצידענט האט זיך געענדיגט מיט א גוטע לעקציע פאר דזשאו , אז מ ' הייבט נישט אהן מיט די אידן און ער געפונט זיך מער נישט אין פוילן .
דזשאו האט געשפירט די הענט פון גרשון דאווידאוויץ , וועלכער איז געווען א געוועזענער בריטישער סאלדאט און ער האט אויך אנערקענט , אז מיט זיין הונט קען מען זיך אויך אן עצה געבן און ער האט צוגעקוקט ווי דער שטארקער מושטירטער איד , האט אזוי קינצליך אראפ געברענגט דעם מעכטיגן הונט .
שמוליק זאלצמאן האט זיך אויך נישט אפגעשראקן ווען ענדי איז ארויס געקומען
מיט זיין רייפעל און ער האט אויסגעקוקט צו זיין היבש שיכור און אזוי האט ער זיך געוואלט אנעמען פאר זיין צערודערטן טאטן , וועלכער האט אים זיכער ארויס געשלעפט פון בעט און אים געזאגט , אז די אידן האבן זיך פארטשעפעט אין אים .
גאר פלינק האט שמוליק זאלצמאן באוויזן וואס ער האט זיך געלערנט ביי די פארטיזאנער אין די וועלדער פון טשעכיי און ער האט ארויס געכאפט דעם רייפל פון ענדי ' ס הענט און זיכער געמאכט , אז די אידן זענען מער נישט אין געפאר .
נאכדעם וואס די סטעט פאליס זענען ארויס געקומען צו באהאנדלען די סיטואציע האט זיך די גאנצע געשיכע געענדיגט מיט גרויס שאנדע פאר ענדי און זיין טאטע און פון נאך די אינצידענט און ווייטער האט ענדי זיך איבער געבעטן מיט זונדל רעכטמאן און מיט די אנדערע אידן און זיי ערקלערט , אז ער ליידט אויך פון זיין צערודערטן טאטע , וועלכער ליידט פון פסיכאטישע פראבלעמען און ער האט געבעטן די געסט , נישט צו קומען נאענט צו זיין הויז און בלויז צו פארבלייבן אין די טייל פון די באנגעלאו קאלאני .
ענדי פון זיין זייט האט דערנאך ארויס געצייגט גאר באזונדערע געטריישאפט צו די אידישע רענטער און די איבעריגע טייל פונעם זומער איז פאריבער מיט גרויס געשמאק אהן קיין ווייטערע אינצידענטן .
די איינציגע מאדענע ספעקטאל וואס די מענטשן פון די קאנטרי האבן יא געקענט מיט האלטן איז געווען די ווילדע געשרייען וואס דזשאו האט געשריגן אויף זיין ענדי , אויב ער האט געוואלט אראפ גיין אין די קעלער אונטער זיין באנגעלאו און די קינדער האבן ליב געהאט צו זעהן די מאדענע סצענע ווי דער באקאנטער הונט מישט זיך אריין און פרובירט שלום צו מאכן צווישן ענדי און זיין טאטע .
ענדי האט זיך געבויט א ספעציעלן צימער אינדרויסן פון די געביידע , וואס ער האט גענוצט אלס זיין ווערהאוז צו האלטן דארט זיינע נויטיגע ארבייטס געצייג , אז ער זאל בכלל נישט דארפן אראפ גיין אין די קעלער און זיך ארום קריגן מיט זיין
170 SHOPPERS ROUTE November 20 2024