טאטע און אזוי איז די סיטואציע היבש אפגעשטילט געווארן פאר די איבעריגע טייל פון זומער .
אבער די קינדער און ערוואקסענע האבן געקענט זעהן די מאדענע ספעקטאל , ווי דזשאו מיט זיין הונט היטן אויף די דאזיגע קעלער אונטער ענדיס באנגעלאו מיט א אויסערגעווענליכע וואכזאמקייט און דער הונט איז געלערנט זיך צו דרייען די גאנצע צייט נאנט און זיין געטריי צו זיין אייגענטימער און אפהיטן די אריינגאנג צום קעלער .
אזוי ווי ס ' איז פאריבער כמעט גאנצע 9 וואכן וואס די אידישע וואקאציאנערן האבן פארברענגט אין די קאנטרי , האט מען פאמעליך אנגעהויבן צו פארגעסן פון די פראבלעמען וואס מ ' האט געהאט מיט דזשאו און ענדי אנהויב זומער און טראץ דעם וואס דזשאו האט זיך מער נישט געדרייט אין די פראפערטי פון די קאלאני ווי די אידישע באנגעלאוס האבן זיך געפונען איז אבער ענדי אריין געקומען מיט גרויס העפליכקייט און פרובירט צו שטעלן אינטערטעינמענט פאר די קינדער .
ער האט געברענגט פון זיין פארעם עטליכע ציגעלעך און שעפסלעך מיט הינער און דאס אריין געלייגט אין ספעציעלע אפטיילונג פון די קאנטרי , אז די קינדער זאלן קענען שפילן דערמיט און אויך האט ער געברענט יעדן זונטאג זיין פערד מיט א צוגעטשעפעטע וואגן און גענומען די קינדער מיט די עלטערן אויף א רייד און אזוי האט ער זיך פרובירט צו באפריינדן דאס מערסטע וואס איז נאר געווען מעגליך מיט די אידישע קליענטן .
זונדל איז געווען זיכער ביי זיך , אז טראץ דעם וואס ענדי פרובירט צו זיין אזוי פריינטליך און זיין טאטע טרעט מער נישט אריין אין די פראפערטי פון די באנגעלאו קאלאני , איז דאס בלויז ווייל זיי האבן זיך גוט אפגעשראקן , אבער אינערליך האבן זיי ווייטער די זעלבע האס אויף די אידישע קליענטן און זיי וועלן זיכער מער נישט פארדינגען די באנגעלאו קאלאני נאכאמאל פאר אידן און אוודאי נישט פאר היימישע אידן , וואס קוקן אויס ריכטיג אידיש .
אין זיינע אויערן האבן אויך געקלינגען די ווערטער פון שמוליק זאלצמאן , דער געוועזענער פארטיזאן , וועלכער האט אים געזאגט עטליכע מאל דורכאויס דעם זומער , אז דער אלטער דזשאו שמעקט , ווי א ריכטיגער געוועזענער נאצי און אין זיינע אויגן קען מען זעהן די ביטערע שנאה קעגן אידן .
זונדל איז אבער איבעראשט געווארן ווען ס ' איז געקומען די לעצטע וואך פון קאנטרי און מ ' האט זיך גערישט אהיים צו פארן , נאכן פארברענגען אזא לאנגן זומער אין פארקסוויל און ענדי איז צוגעקומען צו אים פארהאנדלען איבער א פלאן פון רענטן נאכאמאל די קאנטרי די קומענדיגע זומער .
אין די קאנטרי איז אויך געשטאנען א געביידע וואס מ ' האט גערופן די מעין בילדינג און ס ' איז נישט געעפנט געווארן פאר די דאזיגע זומער , ווייל דארט איז געווען צופיל ארבייט איבער צו מאכן און רענאווירן די פארלאזטע געביידע און ענדי האט דאס ליבערשט געהאלטן פארמאכט און פארהאקט . אבער איצט האט ער צוגעזאגט פאר זונדל , אז ער פלאנט גרינטליך צו רענאווירן די געביידע דורכאויס די ווינטער וואכן און פאר די קומענדיגע זומער וועט דאס קענען דינען אלס פול איינגערישטע געביידע מיט א ספעציעלע קיך און ס ' וועט זיין די מעגליכקייט דארט אקאמאנדירן די געסט ווי א קליינע האטעל פון עטליכע צוואנציג צימערן מיט א באזונדערע דיינינג רום און קיך .
פאר זונדל האט זייער געשמעקט די דאזיגע פלאן , ער איז אבער געווען זייער אויפריכטיג מיט ענדי און אים ערקלערט , אז די אידישע רענטער קוקן נישט אהן גוט די פאקט , אז זיי זענען נישט ערלויבט צו דאווענען אויב נויטיג אין די באנגעלאו קאלאני . דאס איז א אפהאלט וואס מ ' האט נישט געהערט דערפון אין קיין איין אנדערע באנגעלאו קאלאני און די קעטסקילס און דאס שמעקט מיט הוילע אנטיסעמיטיזעם .
ענדי איז געווארן זייער באליידיגט פון די דאזיגע סטעיטמענט און ער האט זיך אנגעהויבן צו פארענטפערן , אז ער איז גענצליך נישט קיין אנטיסעמיט און די
November 20 2024 SHOPPERS ROUTE 169