מערהייט פון זיינע קליענטן אויף די פארעם פראדוקטן זענען אידן און ער האט זייער גוטע באציאונגען מיט זיי . נאר ער האט א פראבלעם , אז זיין טאטע ליידט פון א מעדיקעל צושטאנד , וואס ברענגט אים ארויס געוויסע מאל פון קאנטראל און ער קען זיך נישט שטענדיג איינרייסן מיט אים .
אלס פארזיכערונג באווייז האט אים ענדי אנגעהויבן צו דערציילן זיין געשיכטע ווי אזוי ער האט געארבייט מיט די אידישע פארטיזאנער אין בעלגיע און ווי ער האט געראטעוועט פולע אידישע קינדער און זיין רייכע היסטאריע פון העלפן אידישע קינדער איז באקאנט ביי פולע געסט וועלכע פלעגן קומען צו די נעוועלע גרענד האטעל און ער האט אים געצייגט געוויסע בילדער און אנדענקן וואס ער האט פון די צייטן וואס ער האט געארבייט מיט די פארטיזאנער ביז ער האט געהאלפן אידן צו קענען אנקומען קיין פאלעסטינע .
זונדל האט צוגערופן שמוליק זאלצמאן און אים פארבעטן מיט צו האלטן די דאזיגע געשפרעכן צו הערן , ווער ענדי איז און וואס איז זיין ריכטיגע פארגאנגענהייט און שמוליק זאלצמאן האט געוויסט וואס צו פרעגן און ווי אזוי צו פירן די געשפרעכן מיט ענדי איבער זיינע פארבינדונגען מיט די פארטיזאנער אין בעלגיע און נאך א לענגערע צייט שמוסן האט ער טאקע באשטעטיגט , אז ענדי ' ס געשיכטע קוקט אויס צו זיין ריכטיג און ער דארף טאקע באצייכנט ווערן אלס העראישער גוי וועלכער האט פול געטאן צו ראטעווען די בעלגישע אידישע קינדער פון נישט אידישע הענט .
אבער שמוליק האט זיך נישט געשראקן און ער האט אים גלייך צוריק געפרעגט , גוט די ביסט א געוועזענער פארטיזאן און שיפס מאטראז , אבער ווער איז דיין טאטע , ער שמעקט עפעס פונקט פארקערט פון דיר און ס ' זעהט אויס ווי ער איז א נאצי אדער גאר א שטארקער נאצישער סימפאטיקער .....!
ענדי איז געווען היבש איבעראשט פון די דירעקטע שפראך , וואס שמוליק האט גענוצט , אבער ער האט זיך געהאלטן שטארק און געענטפטערט ..... איך וואלט נישט באצייכנט מין טאטע , אלס א נאצי , נאר
אלס א פסיכאטישער קראנקער מענטש , וועלכער איז נישט פאראנטווארטליך פאר זיין באנעמונג און ווילדע באמערקונגען און סטעיטמענטס .... ער האט זיך ווייטער געוויצעלט , און געזאגט מיט א צינישער שמייכל , מיט אזוינע קראנקע פארשוינען , וואלטן די נאצי נישט געקענט אנמאכן די פראבלעמען וואס זיי האבן אנגעמאכט פאר די וועלט און פאר דאס אידישע פאלק ......
אלזא שמוליק דער פארטיזאן איז ארויס היבש צופרידן פון די דאזיגע געשפרעכן מיט ענדי און ער האט ערקלערט פאר זונדל , אז טראץ דעם וואס ער פארדעכטיגט ווייטער דעם אלטן , אז אפילו ער איז קראנק און משוגע , איז ער אבער אויך א ריכטיגער שונא ישראל . קען מען זיך אבער שפירן היבש רואיג , אז דער ריכטיגער אייגענטימער פון די פראפערטי איז ענדי און מ ' קען מיט אים פארהאנדלען אויב אלסדינג וועט ווערן אויסגעארבייט מיט אן אדוואקאט לעגאל שריפטליך .
ענדי האט געגעבן זיין פארזיכערונג פאר זונדל , אז דאס וועט מער נישט פאסירן און ער האט צוגעזאגט , אז ער וועט זיכער מאכן , אז די אידן זאלן דארט אויך קענען דאווענען און לויט די דאזיגע אומשטענדן האט אים זונדל געענטפערט ווי א ריכטיגער אידישער סוחר , דעמאלט בין איך שוין גרייט צו גיין מיט דיר צו אן אדוואקאט און מאכן א נייעם קאנטראקט פאר די קומענדיגע יאר מיט אלע דעטאלן און לויט א נייע פרייז וואס זיי וועלן איצט באשטימען אז ס ' זאל זיך לוינען פאר זונדל און אויך פאר דזשאו .
ווען דער עולם איז אהיים געפארן פון קאנטרי , האט זונדל געמאלדן די גוט נייעס , אז די קומענדיגע יאר אי " ה וועט ער נאכאמאל ארויס דינגען די קאנטרי לויט נייע רעגולאציעס וואס וועט זיי ערלויבן צו דאווענען און אויספירן רעליגיעזע געברויכן ווען ס ' איז נויטיג אין די באנגעלאו קאלאני אהן קיין שטער און אויך האט ער אנגעהויבן צו אדווערטייזן די גוטע נייעס , אז ער וועט דארט אויך האבן די מעין בילדינג רענאווירט אלס האטעל , ווי די רעכטמאן פאמיליע וועט אויך צושטעלן עסן פאר די געסט , לויט זייער באקאנטע געשמאקע
168 SHOPPERS ROUTE November 20 2024