קאכעריי ערפארענהייט פון די בראנקס און אויך די קאנטרי געסט און אנדערע אידישע קאלאניס אין די געגנט וועלן קענען דארט איינקויפן טעיק אוט עסן , טעגליך און אויך אויף שבת .
רוב פון די געסט האבן אויסגעדרוקט אינטערעס צוריק צו קומען די קומענדיגע יאר און זונדל האט געגעבן צייט ביז אינמיטן חודש טבת פאר די געסט פן דאס יאר צו ברענגען פאר אים א דעפאזיט פאר די קומענדיגע זומער אי " ה און אזוי איז ער אויך ארויס געפארן מיט די טרעין , עטליכע מאל אין יאר דורך די ווינטער וואכ ' ן צו זעהן וואס טוהט זיך דארט און זיכער מאכן , אז ענדי וועט אים דארט איינשטעלן א ריכטיגע כשר ' ע קיך .
שטענדיג ווען ער איז ארויס געקומען האט אים ענדי פארזיכערט , אז ער האלט אין איין האבן שמועסן מיט זיין טאטע אים צו בארואיגן און אים געגעבן צו פארשטיין , אז די אידן זענען די בעסטע קליענטן און לויט זיין אפשאצונג האט דאס ענדליך אנגעהויבן עטוואס אריין צו גיין אין זיין קאפ און ער האט זייער קלאר פארשטאנען , אז די קומענדיגע זומער וועט ערלויבט ווערן פאר די אידן צו דאווענען אין די קאסינאו ווען זיי ווילן .
זונדל פון זיין זייט האט אים ווייטער ערקלערט , אז די אידן זענען גראדע זייער צופרידן מיט די שטאטישע שוהל אין פארקסוויל וואס איז זייער שיין צוגעשטעלט פאר די געסט , אבער זיי ווילן בלויז קענען זיין רואג , אז אויב ס ' מאכט זיך א שלעכטע וועטער און ס ' איז נישט לייכט צו גיין ביז צו די שוהל , זאל מען אויך קענען דארט דאווענען אין די קאנטרי . לויט ווי אזוי ענדי האט גערעדט צו זונדל האט אויסגעקוקט , אז די אלע אלטע פראבלעמען זענען פאריבער און די קומענדיגע זומער וועט אי " ה זיין גאר א געשמאקער וואקאציע פאר די אידישע געסט .
דעם גאנצן ווינטער איז געווען אויסגעהאנגען אדווערטייזמענטס אין די רעסטאוראנט פון די רעכטמאנס אין די בראנקס איבער די קאלאני און האטעל מיט עסן סערוויס וואס זיי וועלן צושטעלן
דורכאויס דעם זומער אין די קאנטרי און אויך האבן די רעכטמאנס דאס אנגעהויבן צו אדווערטייזן אין די לאקאלע אידישע צייטונגען .
גאר שנעלער ווי געראכטן האבן אנגעהויבן אריין צו קומען טעלעפאנישע רעזערוואציעס פאר די קומענדיגע זומער האטעל סערוויס און די גוטע נאמען פון די געשמאקע עסן וואס די רעכטמאנס האבן צוגעשטעלט אין זייער רעסטאוראנט איז געלאפן פאראויס און געמאכט די ריכטיגע אדווערטייזמענט פאר זיי . ס ' איז שוין געגאנגען אזוי גוט און אזוי ווייט , אז זונדל האט שוין אנגעהויבן צו טראכטן פלענער פון אויך ארויס דינגען די באנגעלאו קאלאני באזונדער אויף סוכות , ווייל פולע אידן אין די בראנקס האבן געוואוינט אין פובליק האוזינג געביידעס אדער אפארטמענט בילדינגס ווי ס ' איז געווען זייער שווער צו מאכן א סוכה און זיי האבן געמוזט נוצן די סוכה פון זייערע שוהלן צו קענען עסן א יום טוב ' דיגע סעודה און מאכן א לישב בסוכה לכבוד יום טוב .
ענדי איז געווען זייער צופרידן צו הערן די דאזיגע געדאנק און ער האט גערן געקענט באשטיין צו ערלויבן דאס אויפבויען א סוכה און ער האט גאר געמאלדן פאר זונדל , אז די געביידע וואס ער רענאווירט איצט איז גאר ווינטערייזט און ס ' האט א גוטע הייצונג סיסטעם אויב ס ' וועט זיך נויטיגן צוליב די קאלטע וועטער אויף די בערג פון פארקסוויל ניו יארק אין די סוכות טעג .
מיט גרויס צופרידענהייט האבן זיך די רעכטמאן ' ס געגרייט דורכאויס דעם ווינטער פאר די קומענדיגע זומער סעזאן און ווען ס ' איז געקומען חודש טבת האבן זיי שוין באקומען דעפאזיטס פאר די מערהייט פון די באנגעלאוס , פון די זעלבע געסט וועלכע זענען דארט געווען די פארגאנגענע זומער .
ליינט אין די קומענדיגע באשרייבונג , ווי די קומענדיגע זומער איז געווען א פארגעניגן פון איין זייט אבער אויך א דראמאטישע אנטפלעקונג פון די פארברעכערישע אקטיוויטעטן פון דעם אלטן דזשאו .....
פארזעצונג קומט אי " ה
November 20 2024 SHOPPERS ROUTE 167