Երբ լինեք Հայաստանում, հատկապես Վայոց ձորում, բա՛ց չթողնեք հորած պանիր ուտելու հնարավորությունը: Եթե անգամ երբևէ չեք էլ փորձել այն, մենք Ձեզ վստահեցնում ենք, որ արժե ուտել: Գարնանը գյուղացիները բարձր յուղայնության կաթը կթում են կովերից, այծերից կամ ոչխարներից: Կաթն անմիջապես մակարդում են, շիճուկը հեռացնում և 40-60 օր թողնում աղաջրում: Այս ընթացքում կանայք պանրի հետ խառնում են տեղական կանաչեղեն և համեմունքներ, սովորաբար` կծու պղպեղի բարակ շերտեր ու թարխունի տերևներ: Երբ բազմապիսի համեմուքներն արդեն ավելացված են պանրի մեջ, ստացված զանգվածը խտացվում է կավե կամ ապակե տարաներում:
Պանրով լցված տարաները դրվում են 60 սանտիմետր խորություն ունեցող փոսերում, որոնք սովորաբար փորվում են տան նկուղներում: Տարաներն ամուր ծածկվում են թոնրից բերված մեկ շերտ ածուխով: Պանիրը ստորգետնյա հորերում պահվում է ամռան կեսերից մինչև ուշ աշուն, որպեսզի համեմունքների և կանաչեղենի համն ու հոտը լիովին խառնվեն պանրի հետ: Հիմա, երբ արդեն համտեսել եք տեղական
Տղամարդը կենաց է խմում՝ օղու բաժակը բարձրացրած
Լուսանկարը՝ Ստեֆանի Մուրի, «Իմ Հայաստան» ծրագիր, Սմիթսոնյան ինստիտուտ և ԱՄՆ ՄԶԳ
ուտեստները, ժամանակն է փորձելու տեղական խմիչքը: Դուք չեք կարող լինել Վայոց ձորում և չփորձել տեղական մրգերից պատրաստված օղին: Այստեղ Ձեզ կառաջարկեն խաղողի, սալորի, խնձորի, ծիրանի, թխկու, վայրի տանձի, հատապտուղների, անգամ մասուրի օղի: Չնայած նրան, որ այսօր օղի կարելի է գտնել ամենուր, Գորբաչովի իշխանության տարիներին օղի թորելն արգելված էր խորհրդային կառավարության կողմից:
Տնական օղու արտադրությունը ծաղկում ապրեց «պերեստրոյկայի» ընթացքում և 1990-ականների սկզբին: Ալկոհոլի արտադրության նկատմամբ խորհրդային կառավարության խիստ հսկողությունը, ձախողված տնտեսական բարեփոխումները և գյուղատնտեսական հիմնարկների անկումն ալկոհոլի արտադրությունը հասցրին մինչև գյուղացիների բակերը:
Կարդալ ավելին
Որտե՞ղ սնվել