Ռուս-պարսկական երկրորդ պատերազմէն ետք (1826-1828) Երեւանը անցաւ Ռուսական կայսրութեան ձեռքը եւ 10 Փետրուար 1828-ին, կնքուած Թուրքմենչայի պայմանագիրէն ետք, պաշտօնապէս միացաւ կայսրութեան կազմին։
Երեւանի առաջին ընդհանուր յատակագիծը կը մշակուի 1854-ին: Նախագիծի համաձայն կը կառուցուին Ս. Հռիփսիմէ եւ Ս. Գայիանէ աղջկանց կրթարանները, ինչպէս նաեւ Անգլիական այգին: Երեւանի մէջ առաջին տպարանը կը հիմնուի 1874-ին, Զաքարիա Գէորգեանի շնորհիւ, առաջին թատրոնը՝ 1879-ին, իսկ առաջին հասարակական գրադարանը՝ 1902-ին: Այս շրջանին Երեւանը երկաթուղային կապ կը հաստատէ Ալեքսանդրապոլի (Գիւմրի), Թիֆլիսի եւ Ջուլֆայի հետ: Քաղաքի առաջին հեռախօսային կապը կը հաստատուի 1913-ին: 20-րդ դարու սկիզբը Երեւանի բնակչութեան թիւը կը հասնի շուրջ 30,000-ի:
Հայկական Մարզի Մայրաքաղաք
Ռուսական կայսրութեան ժամանակ Երեւանը կը դառնայ Հայկական մարզի (դաշնային միաւոր/նահանգ)վարչական կեդրոնը , ապա, մինչեւ 1917, էրիւանի (Երեւան) նահանգ: Երեւանը կ՚ապրի տնտեսական, քաղաքական եւ ընկերային-մշակութային զարգացման նոր հանգրուան: Հին կառոյցները կը քանդուին եւ անոնց կը փոխարինեն՝ նորերը։
Երեւանի Գլխաւոր Հրապարակը, 1916
Պատմութիւն :
Ռուսական Ժամանակաշրջան