Գահակալութեան 5-րդ տարին, Ուրարտուի (Արարատ)
Արգիշտի Ա թագաւորը (786-764 Ն.Ք.) կառուցեց Էրեբունի ամրոցը Արին Բերդ բլուրի վրայ: Քաղաքի հիմնադրման ճիշդ թուականը մակագրուած է սեպագիր արձանագրութեան վրայ, Արգիշտի թագաւորի կողմէ: Քաղաքի կառուցման մասին պատմող արձանագրութիւնը, որ Երեւանի ծննդեան վկայագիրն է, կը գտնուի Էրեբունի պատմագիտական արգելանոց-թանգարանի մէջ: Ըստ արձանագրութեան, քաղաքը հիմնադրուած է Ն.Ք.782-ին, ուստի, Երեւանը Հռոմէն 29 տարի աւելի մեծ է։ Հռոմը հիմնադրուած է Ն.Ք. 753-ին:
Սեպագիր արձանագրութեան վրայ
կը կարդանք.
«Խալդ աստուծոյ զօրութեամբ Արգիշտին` Մենուայի որդին, այս անառիկ ամրոցը կառուցեց եւ անուանեց Էրեբունի` ի հզօրութիւն Բիայնիլի (Ուրարտու) երկիրի եւ ի սարսափ թշնամի երկիրներու։
Արգիշտին կը վկայէ` հողը ամայի էր,
ձեռնարկեցի այստեղ հզօր գործեր։
Խալդ աստուծոյ զօրութեամբ
Արգիշտին` Մենուայի որդին, թագաւոր է հզօր, թագաւորը՝ Բիայնիլի երկիրի, կառավարիչը՝ Տուշպա քաղաքի»։
Ուրարտական Սեպագիր Արձանագրութիւնը Էրեբունիի Հիմնադրումին Վերաբերեալ
(cc) Թրաւիս Ուիթ
Պատմութիւն :
Ուրարտական (Արարատեան) Ժամանակաշրջան
