5.3 Յովհանավանք/Սաղմոսավանք
Շատ մը պատմական վայրեր կան Աշտարակի շրջապատին մէջ, զորս կ՛արժէ այցելել: Այս վայրերուն մէջ կան հիանալի վանքեր։Աշտարակէն հիւսիս 7 քմ./ 4.9 մղոն հեռաւորութեան վրայ, Օհանավան գիւղին մէջ, կայ Յովհանավանքը (կառուցուած 1216-ին), որ Քասախ գետի կիրճին եզերքը կը գտնուի: Վանքը ձօնուած է Յովհաննէս Մկրտիչին եւ կը կրէ անոր անունը (Օհան=Յովհանննէս): Վանքին ամենահին մասը Սբ. Կարապետ միանաւ պազիլիքն է, որ հիմնուած է 4-րդ դարուն: Եկեղեցւոյ փայտեայ տանիքը 554 թուականին փոխարինուեցաւ քարէ ծածկով մը: Պազիլիքն ալ վերանորոգուեցաւ 17-րդ, 18-րդ դարերուն։ Վանքի կեդրոնական մասը տաճարն է, կառուցուած 1216-ին եւ 1221-ի միջեւ Իշխան Վաչէ Վաչուտեանի կողմէ:
12-րդ եւ 17-րդ դարերուն, Յովհանավանքը եղած է կրթական եւ աստուածաբանական կարեւոր կեդրոն մը, ուր ձեռագիր մատեաններ կը գրուէին եւ կը ծաղկէին: Յովհանավանքէն մօտ 7քմ. / 4.3 մղոն հեռաւորութեան վրայ, դարձեալ Քասախ գետի գահավէժ կիրճի եզրին, կը կանգնի Սաղմոսավանքը: Սաղմոսավանքն ու յարակից վանական համալիրը կառուցուած են Վաչուտեան իշխանին կողմէ, 1215-էն 1221-ի միջեւ: Կայ նաեւ վանական գիրքերու պահեստանոց մը, որ կառուցուած է 1255-ին: Շատ մը մագաղաթեայ ձեռագիր մատեաններ գրուած եւ նկարազարդուած են այս վայրին մէջ: Վանական համալիրի ճարտարապետը եղած է Այղբայրիկ վարդապետը։
- Երեւանի Հիւսիսային Կողմը
Շրջապտոյտ 5
5.1 Եղվարդ
5.2 Աշտարակ
5.3 Յովհանավանք
/Սաղմոսավանք
Saghmosavannk ParkMatenadaraCascade
5.4 Տառերու Պուրակ
5.5 Քարի Լիճը
5.6 Ամբերդ/Բիւրական
5.7 Արշակունեանց Դամբարան
5.8 Օշական