Իսկ Դուք Գիտէի՞ք, որ…
Քարահունջ կամ Զօրաց Քարեր
Մեգալիթեան յուշարձաններու եզակի համալիր է ՀՀ Սիւնիքի մարզի Սիսիան քաղաքի մօտակայքը յայտնաբերուած Քարահունջը (նաեւ՝ Զօրաց քարեր), որը բաղկացած է հարիւրաւոր կանգուն մեծ քարերէ: Յուշարձանին նշանակութեան եւ տարիքի մասին միասնական կարծիք դեռ գոյութիւն չունի։ 1980 թ. պեղումներէն սկսեալ՝ Քարահունջը ուսումնասիրողներու ուշադրութեան կեդրոնն է: Յուշարձանի մօտակայքը պեղումներ կատարուած են: Ըստ հայ նշանաւոր եւ բազմավաստակ գիտնական Պարիս Հերունիի (1933-2008 թթ.) առաջադրած վարկածին՝ Քարահունջի աստղադիտարանը հիմնադրուած է 7500 տարի առաջ: Պեղումներու արդիւնքին մէջ յայտնաբերուած են հնագոյն դամբարաններ ու բնակավայր, որոնք թուագրուած են Ք.ա. 3-2-րդ հազարամեակներով: Ենթադրուող ժամանակաշրջանները կը տատանին` սկսեալ մեզմէ 7500 տարի առաջուընէ (Ք.ա. 6-1-ին հազարամեակներ) մինչեւ Պրոնզի դարու սկիզբը (Ք.ա. 2-րդ հազարամեակ)։ Յայտնաբերուած են նախնադարեան աստղագիտական քարէ գործիքներ, եւ որոշուած է անոնց ճշգրտութիւնը: Այդ քարերէն շատերուն վերին մասերուն մէջ կլոր անցքեր կան, որոնք օգտագործուած են աստղերը դիտելու համար:
Լեռնային Ղարաբաղի Հանրապետութիւնը արեւմուտքէն սահմանակից է Հայաստանին, հարաւէն Իրանին, իսկ արեւելքէն եւ հիւսիսէն՝ Ազրպէյճանին: Լեռնային Ղարաբաղի Հանրապետութեան (ԼՂՀ) մաս կը կազմեն գաւառներ, պատմական Արցախ, Սիւնիք եւ Ուտիք նահանգները։
Լեռնային Ղարաբաղի Հանրապետութիւն
98