61
Իսկ Դուք Գիտէի՞ք, որ…
Հայկական Ծիրան
Գառնիի հեթանոսական տաճարի շրջակայքը, պեղումներու ընթացքին յայտնաբերուած ծիրանի կորիզները կը վկայեն այն մասին, որ հայերը աւելի քան 6000 տարի Հայկական
Լեռնաշխարհի վրայ ծիրան աճեցուցած են: 18-րդ դարու ֆրանսացի կենսաբան Տը Փոերտերլէն կը տեղեկացնէ, որ Ալեքսանդր Մակեդոնացին Հայաստանէն Յունաստան ծրանիի տնկիներ տարած է, որոնք անկէ տարածուած են Եւրոպա եւ կոչուած են «Հայկական Սալոր»:
Միեւնոյն ժամանակ 1-ին դարու աղբիւրներէն կը տեղեկանանք, որ հռոմէացի զօրավար Լուկուլլոսը, հայոց արքա Տիգրան Մեծի դէմ մղուող պատերազմէն վերադառնալով, Հայաստանէն
Հռոմ հետը ծիրանի տնկիներ տարած է, որոնք հոն մշակուած են եւ պտուղը անուանուած է «Հայկական Սալոր»: Հռոմէացիները «Հայկական Խնձոր» կոչած են (լատ.՝pomum armeniacum):
Ծիրանիի փայտէն կը պատրաստուի հայկական աւանդական փողային գործիքը՝ ծիրանափողը (տուտուկ): Ըստ աւանդոյթի, ցանկալի հնչեղութիւն ապահովելու նպատակով, տուտուկին փողը ծիրանիի եօթ տարի չորցուած փայտէն կը պատրաստէին: Հայ տուտուկահար-վարպետներու կատարումները տեղ գրաւած են համաշխարհային ֆիլմարուեստի մէջ: