Տիգրիսը, որ Հայկական լեռնաշխարհի հարաւը կը գտնուի, պատմական Հայաստանի տարածքէն կը հոսի 380 քմ.։ Իր կարգին Տիգրիսն ալ երկու ճիւղ ունի՝ Արեւմտեան եւ Արեւելեան։ Արեւմտեան Տիգրիսը սկիզբ կ'առնէ Ծաւք կամ Ծովք լիճէն, իսկ Արեւելեան Տիգրիսը՝ Հայկական Տաւրոսէն։ Տիգրիսը Եփրատի հետ կը թափի Պարսից Ծոց։
Ճորոխ Գետին երկարութիւնը 345 քմ. է։ Սկիզբ կ'առնէ Էրզրումէն հիւսիս գտնուող Խաչափայտի լեռներէն, կը հոսի դէպի արեւմուտք, ապա հիւսիս-արեւելք եւ ի վերջոյ Պաթում քաղաքին քով կը լեցուի Սեւ Ծով։
Կուր Գետը սկիզբ կ'առնէ Հայկական լեռնաշխարհէն եւ Արաքսի հետ կը թափի Կասպից Ծով (երկարութիւնը` 1113 քմ.)։
Այժմու Հայաստանի Հանրապետութեան գետերէն են Հրազդանը, Աղստեւը, Դեբեդը, Ախուրեանը, Որոտանը, Արփան, Ողջին, իսկ Արաքսը կ'անցնի Հայաստանի հարաւային սահմանէն։
Գետերը
40