толгой хонид, 15 мянган толгой морид. Хамтын байдалай захирал Вандан Бадмаевич 31 наһатай ябаа. Эрилтэ ехэтэй, эдир залуу эршэ зоригтой хүтэлбэрилэгшын ажал энэл даа.
6 зарлалда Буряадай Ороной дээдэ хуралай депутат ябаһан. Хоёр дахин КПРФ-эй ЦК-гай гэшүүн. 10 жэлэй туршада буряадай компартиин рескомой гэшүүн.
Вандан Бадмаевич тон өөрын хараа бодолтойгоороо онсо илгардаг. Жэшээнь, приватизаци-үмсэлгэ гэһэн гүрэнэй политикые эрид буруушааһан юм. Энэнь тон зүб. Мүнөө Орон доторхи хүдөө ажахын уналга, хамтын байдал, хамтын байдалуудай һандарал бултанда эли.
Хаана хүдөө ажахын хүндэ газар байнаб, тэндэл МЧС-эй һайд Шойгу шэнгеэр эльгээгдэдэг байһан юм. Баргажан, Хурамхаан хоёр аймагуудай нэгэдэхэдэ, партиин райкомой 1-дэхи нарин бэшэгэй даргаар томилогдоо һэн. Вандан Бадмаевич арад зоной ажабайдалда анхаралтайгаар хандадаг байгаа. Мүн шанга эрилтэ ехэтэй.
Тиимэһээ Социалис Ажалай баатарнууд, олон орденто ажалшад урган гараа. КПСС-эй Буряадай обкомдо соёлой таһаг даажа ажаллаа. Мүнөө эб найрамдалай фондын түрүүлэгшэ. Эндэ гүрэнэй томо ажал ябуулагша байһанаа харуулаа. Эб найрамдалай фондын алтан медаляар шагнагдаа. Росси Монгол хоёрой хоорондохи хани барисаанай ажал эрхимээр ябуулһанай түлөө Чингис Хаанай алтан медаляар шагнагдаа.
Арадайнгаа урда аша габьяатайгаар ажаллаһанайнгаа түлөө Ленинэй, « Хүндэлэлэй тэмдэг », « Арадуудай хани барисаан » гэһэн орденуудаар, « Ажалдаа шалгарһанай түлөө » медаляар шагнагдаһан.
Вандан Бадмаевич гурбан һайхан хүбүүдэй эсэгэ: Баир – юрист, Валерий – Москвада экономист, Борис – түүхын эрдэмэй эрдэмтэн, БНЦ-н ИМБИТ-эй захирал. Хүбүүдынь бултадаа гэр бүлэнэртэй. Базаров Вандан Бадмаевич табан ашанартай.
Алтан худаяа үреэе: Ажабайдалай хүшэр замые эрхимээр дабаалта Үри хүүгэдээ үндылгэжэ, Үргэн харгыдань гаргаалта. Үндэр наһанай жаргалые Үзэхэ буянтай байгаалта. Саг жэлэй һэжүүртэ Сарюун, дорюун ябагты!
2004
86