"Эхэ нютаг Хоорхэмни" Эхэ нютаг Хоорхэмни | Page 87

абьяастай эрилтэ ехэтэй түрүү хүнүүдэй зэргэдэ ябаһан гэжэ ойлгоходоо
баясадагбди.
Сергей ехэ хүбүүниинь һонор хурса бэлигтэй Москвада Бауманай нэрэмжэтэ
МВТУ-да һураһан. Удаань Улаан Үдын БГПИ дүүргэһэн. Хүбүүниинь Саян ВСГТУ
дүүргэһэн. Агада гэр бүлэтэй болонхой.
Юрий хүбүүниинь Улаан Үдэдэ БНЦ-эйн ажалшан, багшын мэргэжэлтэй.
Хоёр үринэртэй Дарима, Эрдэни. 56-дахи һургуулиин һурагшад. Хани нүхэрынь
Сэсэгма тэрэл һургуулида англи хэлэнэй багшаар ажалладаг юм.
Хүбүүдэй эхэ эсэгэ хоёр залуушагаар түргэн үбшэндэ дайрагдажа наһа
барашаһан байна. Энэрхы сэдьхэлтэй Зинаида Бадмаевна ахынгаа гурбан
хүбүүдые эхэ мэтэ харалсажа өөдэнь болголсоһон юм.
Тиимэл гэртэхинтэй хадаа хүрьгэн Юрий гэнэн сагаан сэдьхэлтэй, түбһэндэ
һүбэлгэн, урагшаа һанаатай амжалтатай ажаллажа ябадаг.
Үринэртөө үреэл:
Эхэ эсэгын үнэтэ заабариие һанажа,
Эльгэ зүрхэнэйнь этигэл найдабариие

харюулжа ябаарайгты.
Ажалай үргэн замые
Алдар нэрэтэйгээр эдлээрэйгты.
Хоёр хушуун үринэрөө
Энхэрэн хайрлан үдхөөрэйгты.
Һанаһан хэрэгээ бүтээжэ
Һайхан жаргажа һуугаарайгты.
Зуун наһатай болотороо
Зуд, зоболон үзэнгүй,
Золтой, жаргалтай
Ажаһуухатнай болтогой.
2004
АРАДАЙНГАА УРДА АША ГАБЬЯАТАЙ
Баргажан нютагһаа гарбалтай Базаров Вандан Бадмаевич – түүхын эрдэмэй
кандидат.
Өөрын онсо хараа бодолтой хүтэлбэрилэгшэ мүн. Ажалайнгаа бүхы
һалбаринуудые наринаар мэдэдэг. Ажалдаа мүн ажалшадтаа тон анхаралтайгаар
хандадаг юрын бэшэ хүтэлбэрилэгшэ байһан гэжэ онсо тэмдэглэхэ шухала.
Баргажан, Хурамхаан, Түнхэн, Сэлэнгэ, Загарайн аймагуудай хүтэлбэрилэгшөөр
ажаллахадаа, ажалайнгаа бүхы һалбаринуудые наринаар мэдэдэг байгаа.
Хурамхаанай хамтын байдал эмхидхэһэн ажалыень харая: Орон дотор угаа ехэ
газартай – баруун тээһээ зүүлжээ 600 модо. Тарилгынь газар 16500 га, 113 мянган
85