"Эхэ нютаг Хоорхэмни" Эхэ нютаг Хоорхэмни | Page 77

Угтай хүнэй үри гэжэ арадай сэсэн үгын ёhоор хайрата нагаса эгэшэмнай
манайнгаа дунда үбшэ зоболон үзэнгүй, үндэр наhа наhалжа, удаан жэлнүүдтэ
амгалан тайбан аша, гуша, зээнэрээ үргэлсэжэ ажаhуухатнай болтогой.
Р. Дашиева
ҺОЛИР ШЭНГИ ЯЛАС ГЭЖЭ ҮНГЭРҺЭН НАҺАН
Галзууд угай Батоин Жалбу Батуевич 1909 ондо
Хэжэнгын аймагай Эдэрмэг нютагай Уһан Гол
гэжэ нэрэтэй газарта Хэжэнгэ голой урда талада
Борбойтон гэжэ айлай бүлэдэ түрөө һэн.
Өөдөө болоходоо, эрдэм бэлиг олохо эрмэлзэлтэй
һүбэлгэн, һонор хүбүүн нютагайнгаа һургуули
дахаһаар, Улаан Үдын һургуули дүүргэжэ, багшын
мэргэжэл олоо һэн.
1930 ондо Тверь хотодо Калининай морин
сэрэгэй һургуули Коминтернын нэрэмжэтэ хуушан
монгол хэлэнэй багшаар ажаллаа.
Удаань 1932 ондо Дээдэ Хэжэнгын Хөөрхэ
нютагай эхин һургуулиин эрхилэгшээр ажаллаа.
1933
ондо
Хориин
аймагай
ОНО-до
заабарлагшаар (инструктор) томилогдоо.
1934 ондо Хөөрхын эхин һургуулида багшаар
ажаллаа.
1935 ондо Дээдэ Хэжэнгын эхин һургуулиин
эрхилэгшэ болоо.
1938 ондо Хориин ОНО-до һургуулинуудай
заабарлагшаар ажаллаа.
1939 ондо Хориин ОНО-до эрхилэгшээр хүдэлөө.
1940 ондо Хориин аймагай гүйсэдхэхы бүлгэмэй
түрүүлэгшэ. АК ВКП (б) нарин бэшэгэй даргын туһалагша.
1941 ондо Хориин эмхидхэхы-инструкторска АК ВКП (б) секретарь.
1931 ондо Эдэрмэгэй һургуулида багшаар ажаллахадаа ангиин хурса тэмсэл
соогуур Леоновка, Вознесеновка һууринуудай бандидуудтай тэмсэжэ, 6
коммунарнуудаа алдабашье, ажалаа үргэлжэлүүлээ.
Тэрэ үеын тэмсэл соогуур Эдэрмэгэй һургуули урган гараа. Тус һургуулиин
богоһые анха түрүүн алхан ороһон бишыхан хүбүүд басагад түрэһэн нютагаа,
Буряад ороноо суурхуулжа шадаа.
Эдир залуудаа айл боложо, Хориин аймагай Баруун Хасуурта нютагай
Балдоржын Цэбдэнэй Шойдулма басагантай гэрлэжэ, 6 үринэртэй болоо һэн. Ехэ
хүбүүн Дондогынь номдо һонор хурса хүбүүн, токарь мэргэжэлтэй болоһон юм.
75