"Эхэ нютаг Хоорхэмни" Эхэ нютаг Хоорхэмни | Page 76

ВЦИК-эй гэшүүн байһан. Буряадай Ороной 4 аймагуудай: Хориин, Яруунын,
Хэжэнгын, Загарайн аймагуудай шүүгшээр (судья) ажаллаһан гэжэ зоной
хөөрөөнһөө дуулдадаг.
2003
АШАТА НАГАСА ЭГЭШЭМНАЙ
Жамьяндулма
Цыбденовна
Балдоржиева 1921 ондо Хориин
аймагай Баруун Хасурта Балдоржын
Цыбден эсэгэтэй, Жүрмэд эжытэй
одхон түрэhэн намтартай.
Бидэ, анханда Шойдулма эгэшынь
үхибүүд, нагаса эгэшэ гэжэ хүндэлжэ
ябадаг гээшэбди. Тэрэ холын сагта
эсэгэнь,
манай
нагаса
баабай,
эрдэмтэй хүн тула үхиндөө эмшэнэй
мэргэжэл олгожо шадаhан юм.
Фельдшер мэргэжэлтэй Жамьяндулма
Цыбденовна 1941 оной октябриин
16-да Ивалгын аймагай Гэльбэрын
фельдшерскэ пунктые эрхилэгшээр ажалайнгаа намтар эхилhэн бэлэй. Удаань
1944 оной майн 1-hээ Хориин аймагай Удинск hууринай фельдшерскэ пунктые
эрхилэгшээр ажаллаа hэн. Удаань олон хүдөө hууринуудаар Баян Гол, Ойбонт,
Ашангын фельдшерскэ пунктнуудай эрхилэгшээр 50-60-аад онуудай туршада
хүдөө нютагай хүн зониие аргалжа ябаhан гээшэ. 1964 онhоо Удинск hууринай
эмнэлгын һубилагшын (медсестра) хүнгэн бэшэ ажалда 1976 ондо наhанайнгаа
амаралтада гаратараа ажаллаhан юм.
Нагаса эгэшэмнай Доржын Цыден хани нүхэртэеэ хүбүүдээ – Золто Батор
хоёроо хүлынь дүрөөдэ, гарынь ганзагада хүргэжэ, ажалай мэргэжэл олгожо, гэр
бүлэтэй, 6 ашанарай хүгшэн эжы болонхой ажаhуудаг юм.
Эды олон жэлнүүдтэ аша үрэтэйгөөр ажаллаhанайнгаа түлөө гүрэн түрын
хайрада хүртэhэн бэлэй. БурАССР-эй һайднүүдэй Соведэй тогтоолоор
«Социалис мүрысөөнэй илагша» 1974 он. Эсэгэ ороноо хамгаалгын дайнай
үедэ шэн габьяатайгаар ажаллаhанай түлөө үнэмшэлгэнь 1946 оной май hараар
тэмдэглээтэй.
Запасай офицерэй сэрэгэй саарһатай. «Ажалай ветеран» шантай. Нагаса
эгэшэмнай 80 наhатай болобошье, хүнгэн сарюун, бидэнэйнгээ дунда хөөрүү
зугаа дэлгэжэ, үрмэ зөөхэйгөө хубаарилжа, бултыемнай эхын сэдьхэлээр энхэржэ
ябадаг юм. Буянтай нагаса эгэшэдээ олон үринэр, түрэлхид, айл аймаг нүхэдэйнь
зүгhөө доро дохинобди.
74