"Эхэ нютаг Хоорхэмни" Эхэ нютаг Хоорхэмни | Page 61

Хун шубуун гарбалтанаа,
Хуһан модон сэргэшэнээ
Холо дээгүүр үргэлсэхөөр
Хуби заяатай түрөөлта.
Хоридой мэргэн баатартал
Хун сагаан хүүгэнтэй.
Хүн түрэһэн хубитайдаа
Хатар наадаа дэлгээжэ,
Оюун бэлигээ ошотуулжа,
Олон тоодо харагшадтаа
Омог мэдэрэл түрүүлжэ,
Одон мэтээр яларлайт!
Жаран табанай жаргалые
Жабхалан түгэс угтажа,
Зүүни, барууни нүхэдөөрөө
Зугаа наадаа залаалжа,
Һанаһанда хүрэхэ
шадалтай,
Һарбайһандаа хүртэхэ
аргатай,
Һайн һайхан
һанаантнай
Һарьдагһаа үндэр
болтогой!
Елизавета Бальжирова.
Буряад Орон соогоо эгээл мэдээжэ соёлшодой, үндэһэн арадайнгаа урданай
ёһо заншалнуудые һэргээн хүгжөөгшэдэй нэгэн Гунзэннорбу Цыренович
ГУНЗЫНОВАЙ зохёохы зам тухай ороноймнай мэдээжэ журналистнууд ялас
гэмэ тодоор бэшэһэн, мүн тэрэнэй хүн талыень тобойсо үнэншэмөөр харуулһан
очеркнууд нилээд олон. Энэ ушараар арадай зүжэгшын баян намтарһаа эгээл
шухалануудыень түүбэрилэн харуулхые оролдобоб.
1956 ондо 18 наһа гүйсөөгүй Владимир Гунзынов Хэжэнгын аймагай соёлой
таһагта хүдэлмэрилхөөр уригдаа һэн. Хатар дуунда аргагүй дуратай залуу хүбүүн
шэнэ энэ ажалдаа бүхыгөө зорюулаан ажалжа эхилхэдээ, эрдэм һуралсалгүйгөөр
амжалта туйлагдахагүй гэжэ мэдэрээд, һүниин һургуулида һуража эхилээ ааб даа.
1957 оной хабар Владимир Гунзыновай ажабайдалда эрид хубилалта болоо
һэн. Юуб гэхэдэ, Ленинэй орденто оперо болон баледэй театрай зүжэгшэн
59