НЮТАГТАА ХҮНДЭТЭЙ
Бальжинима Санжеевич Жимбеев Хөөрхэ нютагтаа тоонтотой , Хорло эгэшэтэеэ сагай эрхээр хүшэр байдалые дабажа өөдөө болоһон намтартай .
Нютагайнгаа зондо энхэргэн , зөөлэн зантай , уян сагаан сэдьхэлтэй хүн бэлэй даа . Үгытэй баян гэжэ хүниие илгадаггүй , урагшаа һанаатай , хүндэл туһалхые оролдожо ябадаг хүн юм һэн .
Нютагтаа « Манай Ажал » хамтын байдалдаа хүтэлбэрилхы ажалтай удаан саг соо түрүүлэгшын орлогшоор ажаллаа .
Гэр бүлэдөө Дамба Декабрь хоёр эхир хүбүүдтэй һэн . Софья гэжэ басагатай , бүхы наһандаа багшаар ажаллаһан . Эсэгэдээл эдэбхи үүсхэл гаргажа , урагшаа һанаатай ниитын ажалда эдэбхитэй сог залитай хани нүхэр Дашатаяа үнэр бүлын эхэ эсэгэ хубиингаа жаргалтай ажаһуудаг юм .
Удаань Бальжинима Санжеевич гэр бүлэтэеэ Эдэрмэг нютаг зөөжэ ерээ һэн . Удаан саг соо хүршэнэр ажаһуугаабди . Наймаанай ажалай эрхилэгшээр наһанайнгаа амаралтада гаратараа ажаллаа һэн . Хани нүхэрынь Екатерина Семеновна бүхы наһаяа багшын ажалда зорюулһан . Бултанаймнай багша бэлэй .
Хорло эгэшынгээ басага Людмилые өөдэнь болгожо табяа һэн . Эдэрмэг нютагтаа гэр бүлэтэй , олоной эжы болонхой .
Бальжинима Санжеевич түбһэндэ али бүхы юумээр һонирходог : нютагаархидайнгаа уг гарбал тухай дэлгэрэнгы дэбтэр бэшээ һэн . Тэрэнь үхибүүдэйнь хэндэшьеб хадагаламжада ёһотой . Наһанайнгаа амаралтада гараад , миин һуудаггүй : орон соо , нютагтаа ямар үйлэ , хубилалтанууд болоноб – бүхы юумээр һонирходог бэлэй .
Зунай зулгы сагта хоюулаан газаагаа жэмэстэ мододые һуулганхай , ногоо , түмһэ ургуулха сүлөөгүй ажалтайнууд ан-бун ажаһуугаа .
Хорбоо юртэмсэдэ хэншье мүнхэ бэшэ . Хоюулаа оршолониие орхижо ябанхай . Уг залгажа үри , аша , зээнэрынь ажана амгалан ажаһуудаг юм .
2004
57