"Эхэ нютаг Хоорхэмни" Эхэ нютаг Хоорхэмни | Page 44

ГAЗААГАА ГАЙГҮЙ, ГЭРТЭЭ ГЭНЭГҮЙ
Зунай һайхан сагай ерэхэдэ,
нютаг нугаараа ябажа, танил
нүхэд, түрэл гаралнуудтаяа
уулзажа,
ажаһуудалаарнь
һонирхожо сэдьхэлээ ханахаш
даа.
Гэртэһээ гарахаһаа нэгэл
бодол сэдьхэлыем хүлгөөһэн
юм. Жамбалай Жалсантан
гэжэ минии эсэгым дүтын
түрэл айлда заабол хүрэжэ,
Дундабгайтаяа
уулзажа,
мэндыень мэдэхэ бодолтой
ерэхэдэм,
газааһаа
ехэл
хүлгөөтэй, хашаагай үүдэн
сэлеэтэй, трактораар хашаа
соохи томо гэгшын амһарта
руу уһа юулээд, нэгэ хүн
гаража ябаба.
Энэ хадаа ехэ хүрьгэниинь
Бодиев Батамүнхэ гээшэ. Эдэрмэг нютагтаа түбхинэнхэй.
Ехэ хүбүүнтэн Дамбиниматаниинь Эрхүүгэй можын Ангарскһаа амаралтада
айлшаар ерээд: «Эхэ эсэгынгээ хэр угһаа сахижа, мүргэжэ ябаһан Улаан Хаан
буурал баабайдаа, Сахюуртынгаа хүүгэндэ
үсэгэлдэрэй мүргэжэ ерээбди», - гэжэ эжынь
тухагүй, хүнгэн дээрээ баяраар сэдьхэлынь
билтаржа, халуун сайгаа, шанаһан талханһаа
эхилээд, эдеэн бүхэнэй зүйлөөр, алим жэмэсээр,
«Амаретто» сэржэм-духаряа, хониной шэнэхэн
мяхан - янза бүриин эдеэгээр хүндэлшэбэ даа.
Дамбинимань наһатайшаг боложо ябана
гэхээр.
- Ерэхэ жэлдэ 49 наһанайнгаа жэл оруулхань
гүб даа, - гээд, Дундабгаймнай хүбүүн тээшээ
хараадхихадань, хүбүүниинь эхэеэ үгөөр
хэлэшэгүй уриханаар хараад абана. Тиихэдэнь
бага балшар, хонгор наһанайнь зулгыхан зан
наһандань үлөөд байна гэжэ ажаглаадхёо һэм.
Дамбинима өөрөө эрдэмтэ зоотехник
мэргэжэлтэй, Любовь нүхэрынь - экономист.
Эхэ, эсэгын һургаалтай гэжэ абаһаар ойлгохоор.
42