"Эхэ нютаг Хоорхэмни" Эхэ нютаг Хоорхэмни | Page 36

толботойгоор, сасагтайгаар, айхабтар һайханаар оёдог болонхой. Һүүлэй хүшэр
сагай болоходо, элдэнхэй арһан гээшэмнай олдохонь хүшэр болонхой.
Иимэ нарин дарханһаа хэшээл абажа, олон залуушуулые һургажа, мориной
тоног зэмсэгүүдые оюулжа һургаа һаа, хэды ашаг үрэтэйнь үгөөр хэлэшэгүй.
Бүрил һаяын сагта хүдөө нютагуудтаа адуу малаа үдхэхэ ёһотойбди гэжэ
ойлгодог боложо байна хэбэртэй.
Магад, Батоцырен Гатапович шабинараа хүлеэжэ, һургажаш болохо гээд
найдаха дуран хүрэнэ. Арадай мэргэжэлтэн алтан гартай багшын хэшээлдэ
хүртэхэеэ шамдыт, нютагаархидни.
Юрын ажал –
Юугээршье сэгнэшэгүй жаргал
Ажал, ажал
Алдар баяраар суурхуулдаг, -
гэжэ Хөөрхэ нютагһаа гараһан арадай багша Ц. Номтоев бэшэһэн.
Тиимэһээ хэдэн үе угсаата буряад арад элинсэгэйнгээ сахижа абажа ябаһан
табан хушуута малаа үдхэжэ, арбай таряагаа ургуулжа, аха нүхэдэй ажалай
дүршэл халан абажа, ажана элүүр энхэ амгалан ябаял. Нютагайнгаа аха зоной
түлөөлэгшэ Батоцырен Гатаповичтаа зорюулнам:
Үбшэ зоболон үзэнгүй,
Олон үринэрэйнгөө
Жаргалаар жаргалсажа,
Хоёр рабжунай наһа наһалжа,
Сэлмэг сарюун ябахатнай болтогой!
НЮТАГАЙ ОМОГОРХОЛ
Дээдэ Хэжэнгын Хөөрхэ нютагай Шэбэр һууринда Сэрэнэй Сэмпилэй бүлэдэ
1923 ондо түрүүшын хүбүүн Паландоржэ түрөө һэн. Багаханһаа өөдэргэн хүбүүн
эрдэм шудалха бэлигтэй 1940 ондо 10 анги дүүргээ.
Удаань 1941 оной декабрь һарада сэрэгэй албанда мордожо, пулемётно
һургуули дүүргэмсээрээ, Эхэ ороноо хамгаалгын Агууехэ дайнда мордожо,
Сталинградһаа Берлин хүрэтэр Эхэ ороноо хамгаалалсаа: 97-дохи стрелково
хамталгын тагнуулнуудай таһагай ахалагша ябаа. Берлин хотодо Илалта ололсоо.
1946 оной май һара болотор Днепровско плотилида харуулай ахалагшын
тушаалтай ажаллаа. Шара түб (Саратов) хотодо хүлөө ехээр шархатаа. Удаань
албаяа дүүргэжэ, нютагаа бусаа һэн.
Эрхим сэрэгшын гүрэнэй шангууд:
Орден Красного Знамени, 1945 ондо абаа;
34