"Эхэ нютаг Хоорхэмни" Эхэ нютаг Хоорхэмни | Page 33

мүхэжэ, урмаяа хухаржа, ухаан бодолоо мухардажа ябаагүй даа, хөөрхы. Урда мэтэ
һүбэлгэн ухаан соохоноо улас түрынгөө оршондо боложо байһан үйлэ хэрэгүүдые
ухамайлан нэгэ баярлажа, нэгэ сүхэржэ һуудаг даа. Би, хүбүүниинь, эжы тухайгаа
шүлэг, үгүүлэл бэшэжэрхихээр арга шадалтай ябаашье һаа, үшөөл тэрэ хүсэлөө
бэелүүлжэ шадаагүй ябанаб. Гэбэшье 80 наһандань зорюулһан «Эхын захяа» гэжэ
шүлэг сооһоо нэгэ бадаг оруулнаб:
Эжы, эжымни—бата найдални даа,
Энэ наһанайм дүмүүхэн тулгамниш даа,
Сэнэг ехэтэй һэшхэлни болонхойш даа,
Сэсэн үгөөрөө һургаал үгэнэш даа:
Ажабайдалнай орёо хүшэр юм даа,
Алдуугүйгөөр ябаарай, үримни,—гээд,
Анханһаа намдаа зохидоор ойлгуулаалши даа
Ашыешни харюулжа, баяр хүргэнэб даа».
Даруухан зантай Чингис хүбүүниинь эжы тухайгаа иимэ ульһатай дулаахан
бодолнуудые бэшээд үгөө һэн.
Түгэсхэлдэнь, үндэр наһатын үреэл буянда булта хүртэлсэжэ, үнэр баян
амидархамнай болтогой!
1994
«УРАН ГАРТАЙ ЭСЭГЭМНАЙ»
Хэжэнгын эхин тоонтотой
арадай уран гартан гэжэ
бүхы буряад арад зондоо
мэдээжэ болоһон Дугаржабай
Батоцырен Гатапович тухай
хөөрэхэ хүсэлэнтэйб.
Энэл
һайхан
нютагай
Мэхээртын дабаанһаа эхитэй
Хэжэнгэ нариихан голой
эхиндэ
дунда
шадалтай
Гатабай
Дугаржабтанай
бүлэдэ Батоцырен хүбүүн
түрөө бэлэй.
Хүн болохо багаһаа, хүлэг
болохо унаганһаа гэдэгтэл,
багахан наһанһаа али бүхы
зүйлээр һонирходог, зулгы
31