"Эхэ нютаг Хоорхэмни" Эхэ нютаг Хоорхэмни | Page 187

Үргэн олониие эблүүлдэг!
Гал!..
«Мүнөө Чижевский, Вернадский, Гумилев гэдэг эрдэмтэдэй нээлтэнүүдые
хэншье буруушаанагүй, үшөө саашань үнэн талыень хүгжөөгдэхэ байһандань
этигэнэбди».
Сагай саашаа ябаха тудам, эрдэм бэлигэй хүгжэхэ бүри арад зоной хүгжэлтэ
улам дээшэлнэ. Тиимэ тула залуу үетэнэй мэдэрэл бүри хурса болоно. Энэ ехэ гүн
удхатай бодолнуудые уншагшадай һонорто дурадхая.
Гал, уһанай аюул аймшагтайл!.. гэжэ энэ уһан хара .морин жэлдэ дэлхэйн арад
мэдэрээл. Хүнэй ажабайдалда хэлэшэгүй хохидол асарааб!
ТҮРЭЛ ХЭЛЭН
... Хариин газарта тооһондол хиидэжэ ябахадамнай,
Харгы заажа, тоонто нютагтамнай тэхэрюулнэ.
Агуу засагайнгаа шадалые абяагүйхэн мэдэржэ,
Албатанайнгаа үнэн сэхэдэ найдаһан эзэн...
Урбагшадай хорото үйлэһөө диилдэн гэмтэжэ,
Ута наһанайнгаа жаргал алдахагүй хүсэн.
Арадай шуһаар зуун жэлнүүдтэ дамжаһан
Амин голһоомнай үнэтэй түрэл Хэлэмнай!
Аюултажа хожом галабай эрьехэдэ хосорбошье,
Амигүйшье һаа, агууехэ ёһодоо — Эзэмнай!
Үнэхөөрөөл, урбагшадай хорото үйлэһөө диилдэн гэмтэжэ, буряад арад сохом
3 үе зон түрэл хэлэеэ мэдэхэгүй болоһомнай лабтай.
Бидэ, үндэр наһатайшуул гэе, агууехэ дайнай үеһөө эхилжэ, эрдэм бэлигэй
хэшээлнүүдые Б.Абидуевай, Х.Намсараевай, Б. Базароной гайхамшагта
зохёолнуудые шудалан үзэжэ, түгэс эрдэмэй дээжэдэ хүртэһэн улад болонобди.
Шэнэхээнэй буряадуудай гоё һайхан бүжэг буряад арадай бэлиг гэршэлнэ. Эхэ
нютагһаа холо, хари газарта үндыбэшье, арадайнгаа нангин хэлэ, ёһо заншалаа
орхёогүй, сахин абажа, эхэ нютагтаа ерэһэниинь гайхалтай һонин. Ямар һайхан
хубсаһан, зүүдхэлнүүдтэй гээшэб.
Түрэһэн эхынгээ хэлые алдахагүймнай болтогой гэжэ зальбарая.
НЮТАГ
Буртаг шугы соогуур шургажа ябатараа
Бургааһанайшье мүшэр хухалаа һаа, хайрлахаш.
Нарай хабар газар тэбэрин шагнаа һаа
Намаа бүгэдэнтэй нэгэ амитай байхаш.
Хари холоһоо айлшалжа ерэһэн хүнэй
Хадануудые хаража уяраа һаань, баясахаш
185