"Эхэ нютаг Хоорхэмни" Эхэ нютаг Хоорхэмни | Page 178

Далай багшынгаа хүрэгтэ мүргэжэ һуунаб,
Далай үргэн сахюусандань шүтэжэ баясанаб.
Дарамсала хото нюдэндэмнн харагдана,
Дайдын холоһоо хүсэлэн сахюусанууд юулэнэ.
«Ом дари, дудаари дүри суухаа.
Ом маани бадмэ хум,
Ом ямандага хум пад
Ом Аа Хум»!!!
Буянта мүрөөрнь дахажа,
Бурхан багшын шаби болооб.
Арюухан сэдьхэлынь һажаажа,
Арад түмэндөө найдал олооб...
гэжэ зохёолшон багшадаа мүргэжэ, Бурхан багшын шаби болоһоноо тодо һонор
үгэнүүдээр хэлэнэ. Үнэхөөрөөшье, олон түмэн арад зондоо энэрхы зөөлэхэнөөр
хандажа, ада баршадһаамнай һалгажа, арюун замда үдэшэдэг гээшэб даа хөөрхы
үндэр түрэлтэ гэгээн багшамнай.
…Нютагаа, арад зоноо, нүхэдөө хайрлаарай.
Нарайхан хүүгэды, наһатай зониие

Бурхан мэтэ һанаарай.
Энээхэн наһандаш хүртэхэ баяр асарха,

заалгүй асарха.
Энээхэн наһыеш сэнхир хадагаар угтаха,

заалгүй угтаха...
Шүлэгшэн иигэжэ хүн бүхэндэ хандана. Амитан бүгэды хайрлабал, ашатын
буянда заабол хүртэхэш гэнэ ха юм. Мүнөө иимэл сүбэй сагта энэрхы сэдьхэлтэй,
амитан бүгэды хайрлажа, буян үйлэдэхэһөө бэшэ үрэтэй юумэн үгыл ха юм.
Бурханайнгаа орондо
Бусаба ха юмши даа, хөөрхэймни.
Буянай замда хүбүүгээ гаргажа шадааш.
Тэнгэриин ододоор сахилгаан – хаанай нюрганда
Толорон үзэгдэлэг хаа-яахан шарайшни.
Мүнхын зула урдаа һүгэдэжэ баринхай,
Мүнгэн шүүдэрээр үүрэй толонооршье

үнгэрнэш, -
гэһэн мүрнүүдээр ашата эжыдээ хандана.
Зохёолшон гурбан ном соогоо эжыдээ зорюулжа, үргэн сээжэһээ үндэр
үгэнүүдээр хандажал, уяржал, угтажал байдаг даа. Ухаансар уншагшад, эжыдээ
зорюуулһан шүлэгүүдтэнь хандажа, сээжэдээ шэнэ бодол түрүүлжэ хүнэй үгтэһэн
наһанда эжын үүргэ хэды сэнтэйб гэжэ ойлгохомнай лабтай. Саг жэлэй ошохо
176