"Эхэ нютаг Хоорхэмни" Эхэ нютаг Хоорхэмни | Page 175

Аяар холын дулаан оронуудһаа эхэ нютагаа үри дальбараагаа дэгжээхэеэ хэдэн
олон ехэ далайнуудые гаталан, Гималайн үндэр хадануудые гаталжа ерэһэн
хөөрхэд эсэнхэй шубуудые нэгэ тогоон болохошьегүй мяханай түлөө, буугай
һомоор угтажа байдаг Дугар, Хорлонуудай олон гээшэнь гайхалтай, гэмшэлтэй,
нүгэлтэйнь хэлэшэгүй.
Үндэр түрэлтэ хүнүүд, илангаяа багшанар, түрэлхид, Эхэ байгаалиингаа
ямаршье амитадта хоро бү хүргэел.
Уншагшадай тус үгүүлбэриай удхые ойлгохын тула дэлбэлэн бэшэхые оролдооб.
САГАЙ БАЙДАЛААР
Нүхэн булаанда - наймаашан,
Ногто, хазаар үзөөгүй адуушан
Хооһон хамхуул, хахалагдаагүй газар.
Хото хооһон, хотонһоо хулгай.
Хуу тоноо, хооһон
Хэн хээб нюуса дай.
Үрдиһэниинь баяжаха,
Үлдэһэниинь үгырхэ.
Үхибүүдээ һургаха, мүнгэ олохо.
Хүдэлхэ гэхэдэ, хүдэлмэри үгы,
Хүндэ хүдөөдэ, амаа тоһодохо.
***
Хото хүдөө хоорондоо ондоо,
Эдихэ уухань хаанашье адли.
Бэе бэеэ хэзээ дэмжэжэ,
Бэрхэшээлһээ гараха зонбибди.
Бэрхэшээл дүүрэн дэлхэй дээр,
Бэе бэеэ гамная...
гэжэ эжэлуүдгүй арадай шүлэгшэн Д.Жалсараевай дуунай аялга сэдьхэлдэш
гуниглан, гүнгэнэн элдэб орёо бодолнууд хүрмэлдэн ородог юм.
Ажал хэһэн - аманда тоһон гэжэ урданай үгэ тон зүб. Абаһаар сэхэ руунь
бэшэнэ: хүдөөмнай хооһон хамхуул. Хахалагдаагүй газар. Арбай таряан, тала
гүбээнүүдээр табан хушуун мал бэлшэжэ ябадаг хамнай - хүдөөгэйхид булта
ажалтай һэмнай тэрэ үедэ.
Аралжаа наймаан, хулгай дээрмэдэлгэ, хэзээ иимэ байдалһаа гарахабибди
гэжэ асуудал зохёолшон табина. Хэн харюу үгэжэ шадахаб?!
Ургажа ябаһан үринэрээ эрдэм бэлигтэ яагаад һургахаб? Дээдэ һургуулида
орохо гээшэ мүнгэ зөөриин хүсэн гэжэ булта зон мэдэнэ. Эдилгэтэн, абалгашан
һүжэрэнхэй. Хэзээ нэгэтэ үнэн байдал тогтохо гээшэ гү?!
173