забһарлалгын үедэ баһал нааданхайнуудаараа наадаха ушартай болоно ха юм. Байдалнай мүнөөхил сэсэрлигэйхиһээ ондоо юумэнь үгы, бүри доро шахуу юм. Эхин ангинуудай һурагшадай хүмуүжүүлэгшэ Оросой Холбоото Уласай арадай гэгээрэлэй онсо В. О. Туденова суглаан бүхэндэ шахуу асуудал табидаг. Тиихэдэньшье урагшатай юумэн боложо үгэнэгүй хэбэртэй агша. Тиимэһээ зарим һурагшад үдэһөө хойшо дахин һургуулидаа балайш дуратайгаар ерэдэггүй.
Иимэрхүү байдал ондоошье һууринуудта ушарна ёһотой. Тиимэһээ, хүндэтэ уншагшад, энэ асуудалаар өөһэдынгөө һанал тухай дурадхалаа түргэн « Буряад үнэн » һониндоо мэдүүлхэдэтнай болохо бэшэ гү?
1982
« САГАЙ ХҮРДЭ » ҺАЙХАН БАЙГ!
Дэлгэр тэнюун сэдьхэлтэй, үргэн Үльдэргын үндэр хэшэгтэ хүртэһэн уужам Буряад орон соогоо мэдээжэ шүлэгшэн, Буряад Ороной соёлой габьяата хүдэлмэрилэгшэ, тележурналист Булат Жанчиповые танихагүй хүн үгы гээшэ.
Һүүлэй үедэ Буряадай телевиденидэ гарагай гурбанда гарадаг « Сагай хүрдэ » гэһэн дамжуулга бултанда хүлеэгдэдэг болонхой.
Зохёолшон сагаа гамнангүй буряад нютагуудаараа ябажа, арад зонойнгоо ажабайдалаар һонирхожо, хүнэй сэдьхэлдэ шэнэ бодол түрүүлмээр, һонирхолтой дамжуулгануудые эмхидхэдэг болоһондонъ, олон харагшадай зүгһөө баяр хүргэхэ зуураа, жэшээ болгон, нэгэ хэдэн дамжуулганууд дээрэнь тогтохо хүсэлэнтэйб.
Үнихэн болоо даа, хабар һэн ха. БНЦ-гэй микробиологиин лабораториие хүтэлбэрилэгшэ бүмбэрсэг дэлхэйе газар дээгүүр, гүн далайнууд доогуур һэтэ гаража, 20 гаран жэлдэ шэнжэлгэ хэдэг байһан эрдэмтэ Баир Бадмабазарович Намсараевтай уулзалгануудые эмхидхэжэ, бултаниие һонирхуулһан байна.
Мүнөө сагта бултанай шарга газардажа, хаанашье ошохо аргагүй, зунай сагай ерэхэдэ, бэе тамираа тэнхээжэ, холо ойрын аршаандашье ошохо аргамнай барагдаа гэхэдэ болоно. Хүдөө нютагуудай аршаануудай ямар үбшэндэ туһатайешье мэдэхэгүй ушар болодог.
Энэ талаар манай эрдэмтэ зүбшөөл үгэнэ: хэрбээ нютагайнгаа аршаанай ямар үбшэндэ туһатайень ойлгожо ядабал, манай лабораторидо асаржа шалгуулхадатнай болохо. Энээниие уншагшад хараадаа абажа магадгүй.
Сагай ябаха тудам зарим хүдөө нютагай аршаанууд орхигдодог болонхой. Жэшээнь, минии тоонто Хөөрхэ нютагай эхиндэ Маарагтын аршаан хии шарада тон һайн гэжэ һаяшаг дуулаад, ехэтэ баясабаб. Хужарта нуурай аршаан хэрхэ( ревматизм), эхэнэрэй үбшэндэ туһатай. Ородой Дара Эхын аршаан бөөрэдэ ехэ һайн.
Эдэрмэг нютагай Асын аршаанда 30-40 жэлэй саана зон ошожо амарагша һэн: аршаан хүртэхэһөө гадна, торходо ородог байгаа. Хоолой, уушханай хүйтэ абалгада
167