"Эхэ нютаг Хоорхэмни" Эхэ нютаг Хоорхэмни | Page 155
Бишыхан Балдан hургуули хэхэ замдаа hүбэлгэн өөрэ хүбүүн байжа, 1942 ондо
нютагайнгаа бүлэг хүбүүдээр 10-дахи анги амжалтатай дүүргээ hэн.
Һургуулида сугтаа hураhан нүхэдэйнь олонхидойнь үгышье hаань, түрэлхидтэнь
hонин байжа магадгүй гэжэ бодоод, нэрэ нэрээрнь эндэ дурсахам.
Полосурова Дарья Мандархановна
Дамдинов Балдан Базарович
Доржиев Дугаржап Найданович
Дарижапов Дашанамжил Дамдинович
Бадмаев Дашадондок
Мангатаев Даша Бадмаевич
Жигмитов Бадмадоржэ Ешеевич
Жигмитов Содном Ешеевич
Алсагаев Матвей Маринуевич
Катушкин Максим
Сергеев Иннокентий Михеевич
Цыренов Дамба Цыренович
Суворов Иван Прокопьевич
Батуева Цыжип Батуевна.
Түлэг дайнай үе. Эхэ оронойнгоо
уряалаар Балдан хүбүүн эдирхэн
наhандаа бүлэг нүхэдтэеэ ороноо
дайсадhаа хамгаалалсахаяа дайнда
мордоо бэлэй…
Халуун тулалдаануудта баатар
лигаар дайлалдаhанайнгаа түлөө
хэдэн олон орден, шан, талархалай
тэмдэгүүдтэ
хүртэhэн.
Эгээл
эрхимынь дайсаниие даралсаад,
бүтэн бүлеэн орон нютагаа бусажа
ерэhэниинь сэнгүй үнэтэй гээшэ ааб
даа.
Дайнай hүүлээрхи ороноо hэргээн
бодхоолгын үедэ амгалан ажабайдалдаа хам оролсожо, ажаллаhан түүхэтэй.
1946 онhоо Хэжэнгын дунда hургуулида багшалаа. 1948 онhоо Коминтернын
эхин hургуулиие эрхилэгшээр ажаллаа. 1952-57 Загаһатын хамтын байдалда
парторгоор ажаллаа. 1957–1960 онуудта Чисаанын сельпогой түрүүлэгшээр
ажаллаа. 1960 онhоо Хориин райсоюзда 1964 он хүрэтэр ажаллаhан намтартай.
Наhанайнгаа хани нүхэр Цыпилма Жигжитовнатаяа олон үринэрые үндылгэжэ,
хубиингаа жаргал дүүрэн эдлээ гээшэл даа. Цыпилма Жигжитовна залуудаа
багшаар ажаллаhан, мүн наймаанайшье ажалда хүдэлhэн.
Урда мэтэ ахыемнай үгылүүлэнгүй хошон зугаа хөөрөөтэй, амтан эдеэгээрээ
хүндэлжэ hуухадань, үнэн зүрхэнhөө баясадагби. Ашата ахатанайнгаа үринэрые
дурдаха хүсэлэнтэйб: Виктор – ВСГТУ-гай багша, доцент, Ханда – аргашан,
фельдшер байhан, Бэлигма – ВСГТУ дүүргэhэн экономист мэргэжэлтэй, Бэлигто
– Новосибирскын университет дүүргэhэн, математик, Жаргал – Эрхүүгэй дээдэ
һургуулиин Хо Ши Минэй нэрэмжэтэ хари хэлэнэй таhаг дүүргэhэн.
Балдан ахатамнай иимэл олон үнэр бүлэтэй ажаhуугаал даа. Мүнөө 8 аша,
зээнэр, 3 гушанар ургажа ябанад даа. Тэдэнэйнь шэг шарай, абари зандань ашата
ахымнай дүрэ байхадань, угай шуhан иимэл хүсэтэй юм байна даа гэжэ бодогшоб.
153