"Эхэ нютаг Хоорхэмни" Эхэ нютаг Хоорхэмни | Page 145

«Үльгэр» театрта буряад хэлэн дээрэ наадаха зүжэгшэдые бэлдэхэ хэрэгтэй.
Зориһон мэлхэй далайе гаталдаг гэжэ арад дэмы хэлсэдэггүй гээшэ.
Манай Улаан Үдын нэгэдэхи интернат һургуулиин урлалай һургуулида
драматическа анги нээгдэһээр үнихэнэй. Һурагшадынь буряад хэлэн дээрэ һонин
зүжэгүүдые шадамар бэрхээр харуулдаг болоһоор Орон дотор мэдээжэ болонхой.
Багшань — бэлигтэй зүжэгшэн Санжимитыпова Е.Я. Тус һургуулиин һурагшадые
урижа, ямар нэгэ зүжэг харуулаад туршабал, хэзээшье аша үрэтэй байхань сохом
һэн.
Алтан элэхэ бүреэ үнгэ орохо гэдэгтэл, түрэл хото соогоо зүжэгшэннуудые
бэлдэхэ дүүрэн арга байна ха юм. Хэды бэлигтэй һурагшад манай һургуулида
һурана гээшэб? Тэдэниие һургаха хэрэгтэй. Мэргэжэл олоһон зүжэгшэдшье
гансата үндэр нэрэ солотой болоно бэшэл. Хүгжэмэй һургуулиин дэргэдэ
театральна таһагшье нээхэдэ яанаб?
Хожомоо үхибүүднай түрэл хэлэн дээрээ зүжэгүүдые харадаг болоо һаань,
үндэһэн хэлэнэймнай урагшатайгаар хүгжэхэнь дамжаггүй һэн. Булаг шэнги
бурьялжа байдаг буряад хэлэеэ бултааран оролдожо, «бузарһаань» арюудхаха саг
ерээл!
Зүжэг найруулагша зохёолшон М. Батоинтай уулзажа хөөрэлдэхэдэ, «буряад
хэлэн дээрэ наадажа шадаха зүжэгшэдгүй дээрэһээ иимэл хүшэр байдалда ороод
байна гээшэбди»,— гэхэдэнь юуншье гэхын аргагүй байгаа һэн.
Тус зүжэг холын аянһаа бусажа ерэхэдээ, үндэр магтаалда хүртэжэ ерэһэн хаш.
Энэ ехэ амжалта — бултанай баяр. Уласхоорондын уулзалгада хабаадалсахаар
уригдаад, тэндэ зүжэгөө урагшатайгаар харуулжа байна гэһэн баяртай мэдээсэл
бидэндэ дуулдана.
Театрһаа гараад, бүлэг бүлэгөөрөө таһараад жаахан үхибүүдээрээ хөөрэлдэжэ
байһан хүмүүжүүлэгшэдынь хэбэртэй, тухайлхада, «буряад үльгэрые түрэл хэлэн
дээрэнь табяа һаа, бүришье һонин байха һэн. Теэд таанад мүнөө ойлгохогүй
байнат. Буряад хэлые һайнаар шудалха хэрэгтэй гээшэ ааб даа»,— гэжэ холын
бодолтойгоор бишыхан үхибүүдтээ һургаал хэлэжэ байна гэжэ ойлгоо һэм.
Һайн саг тэхэрижэ, һанаһан бодолоо бултал даруухан буряад хэлэн дээрээ
хөөрэлдэдэг, - хүүгэдтэеэ хүүхэлдэйнгэө театрта ерэдэг, харадаг болохомнай
болтогой!
Хүндэтэ уншагшад, үхибүүдтэ зорюулагдаһан буряад зүжэгүүд тухай
һанамжануудаараа «Буряад үнэн» һонинойгээ нюур дээрэ хубаалдая гээд
дурадханаб. Энэ асуудалые олоороо хэлсэжэ шиидхэхэ саг тулажа ерэнхэй
гэбэлни, дэмжэхэ нүхэд байха гэжэ найдагдана.
АМЖАЛТА ХҮСЭЕ
Улаан Үдымнай 102–дохи тойрогто оршодог хүүгэдэй һургуули-сэсэрлигтэ
буряад хэлэнэй нээмэл хэшээлдэ уригдажа, Бадмацыренова Мария Базаровнагай
143