"Эхэ нютаг Хоорхэмни" Эхэ нютаг Хоорхэмни | Page 141

- Га-га-га - гэжэ ганганалдана.
Багша:
- Зай, галуун айлшаяа бэрхээр хүндэлжэ, даабарииень һайн дүүргэбэт.
Үхибүүд, манай хэшээлдэмнай айлшалжа ерэһэн шубууд, ямар шубууд болоноб?
- Хабартаа дулаан оронһоо ниидэжэ ерэдэг шубууд. (Хабарай шубууд).
- Манай нютагай шубууд.
- Манай нютагта ерэжэ, уургай заһадаг, дальбараануудаа дэгжээдэг шубууд.
Багша:
- Эдэ шубууд хүндэ ямар аша туһатайб?
- Шубууд хорхой шумуул эдидэг.
- Шубууд гоёор дууладаг, жэргэдэг.
- Ой тайга һайхан дуугаараа гоёодог.
- Тиимэ, зүб хэлэбэт. Шубууд байгаалиин нэгэ ехэ хубинь болоно гээшэ.
Шубууд гээшэ ой модо элдэб муухай хорхой шумуулнуудһаа хамгаална. Ой тайга
һайхан дуугаараа гоёодог, хүндэ ехэ аша туһатай. Тиимэһээ шубуудые гамнаха,
хамгаалха хэрэгтэй. Шубууд - манай нүхэд гээшэ.
Гэрэй даабари.
Сэгнэлтэ.
1999
ХҮНЭЙ ЗЭРГЭ ХҮН БОЛГОХО
Багша тухай үгэ
Үрэжэл ехэтэ үргэн һайхан Хэжэнгэ голой
зүүлжээ нэмжыһэн номхон налуу хадануудай
нэмжээ талын дунда оршодог Загаһатые ажалша
зоной һуурижаһан нютаг гэжэ хараһаар ойлгохоор:
сэб сэхэхэн гудамжанууд, сэбэр барилгатай гэрнүүд
хүнэй анхарал абаһаар татадаг. Энэл нютагай
шуран, хёрхо хурса харасатай, түргэн бодолтой,
шанга гэшхэдэлтэй басаган нютагайнгаа хэшэг,
бэлигтэ дүүрэн хүртэһэн Евдокия Хашкоевна
Ундонова 1958 ондо Дээдэ Худанай дунда һургуули
дүүргэһэн намтартай. Һүүлээрнь залуухан басаган
нэгэ жэлэй туршада Чисаанын долоон жэлэй
һургуулида багшаар ажаллаа.
Удаань БГПИ-дэ орожо һураад, 1963 ондо
һуралсалаа дүүргээд, хахад жэлэй туршада
Чисаанын дунда һургуулида хүдэлһэнэй һүүлдэ
1966 онһоо интернат һургуулидаа мүнөө болотор
139