"Эхэ нютаг Хоорхэмни" Эхэ нютаг Хоорхэмни | Page 121

нэрэ зэргэдэ хүртэhэн.
1981 оной июлиин 2-то Буряадай АССР-эй Верховно Соведэй Хүндэлэлэй
бэшэгээр шагнагдаа.
Цырен Базарович найдамтай хани нүхэр байхаhаа гадна үнэр бүлын эсэгэ,
үринэртөө эрхим хүмүүжэл үгэжэ шадаhан, үхибүүдынь эсэгэдээл хүндэтэй
харюусалгатай ажалтайнууд.
Ехэ басаган Тамарань Улаан Yдын татабариин шалгалтын (налогово
инспекциин) ахалагша нягталан бодогшын (бухгалтер) орлогшо, Анатолий –
аймагай захиргаандаа, Александр – Хэжэнгэдэ «Мандал» үйлдэбэриин инженер,
Татьяна – Улаан Үдын хүүгэдэй болон залуушуулай ордоной багша(Хотоской
дворец детского и юношеского творчества). Мүн олон ашанарынь эрдэм бэлиг
эрхимээр шудалдаг.
Хүндэтэ Цырен Базарович, нютагаархидайтнай зүгhөө амаршалая. 80 наhанай
дабаанда эсэнгүй, урда мэтэ согтой залитай, элүүр энхэ, юугээршье сэгнэшэгүй
юрын ажал эдлэжэ, удаан жэлнүүдтэ ан бун хоюулаан ажаhуугыт даа.
2001
АРАДАЙ БАГША - ЖАНА БАГША
Занданхан бүреэтэй ташуураа
Захынгаа дабаанда барюужам даа
Заяанай илдамхан нүхэртэеэ
Зааһанхан газарташ уулзуужам даа.
Хулһанхан бүреэтэй ташуураа
Холынгоо дабаанда барюужам даа.
Ханилһан илдамхан нүхэртэеэ
Хэлсэһэн газартаа уулзуужам даа,
гэжэ дууе арадай багша Жана Цыденовна Дугарова хани нүхэрөө шаналан үгылжэ
дуулаһан юм гэжэ һаяхан хэлэ бэшэгэй эрдэмэй дид эрдэмтэн Гунгаров Виктор
Шагдарович хөөрэбэ. Энэ дууе үни холоһоо арадай дуун гэжэ һанадаг байгаа
гээшэбди. Тиигэбэшье арадаймнай дуунууд хэн нэгэ сэсэн хүнэйл зохёоһон
гээшэ аабза.
Һаяхан нютагайнгаа элитэ уран зохёолшо, багша, сэрэгшэ, Социалис Ажалай
Баатар Ц.Н.Номтоевтой уулзабаб. «Хори һууринда 5-дахи ангида заалгаһан
багшамни Жана Цыденовна гээшэл даа» гэжэ хөөрэхэдэнь, ехэл һонирхооб.
Мүнөө Хэжэнгэ нютагтаа аймагай гулваагай үндэр тушаал даажа ябадаг Жана
багшын шабинарай нэгэн, Ороной Арадай Хуралай депутат Цыреторов Семен
Цыдыпович «Буряад үнэн» һониной нюурта «Жана багшын шабинар, бодогты!»
гэһэн үгүүлэл толилжо, олоной һонирхол татаа бэлэй. Тиихэдэ тэдэнэр 2-дохи
119